Tamil Nadu: ఉచిత చీరల పంపిణీలో తొక్కిసలాట.. నలుగురు మహిళల మృతి

చెన్నై: తమిళనాడు (Tamil Nadu)లోని తిరుపత్తూరు జిల్లాలో ఘోర విషాదం చోటుచేసుకుంది. ఉచిత చీరల పంపిణీ (Saree Distribution) కార్యక్రమంలో తొక్కిసలాట జరిగి నలుగురు మహిళలు ప్రాణాలు కోల్పోయారు. మరో 10 మంది గాయపడ్డారు.

తిరుపత్తూరు (Tirupattur) జిల్లాలోని వాణియంబాడి ప్రాంతంలో మురుగన్‌ తైపూసం (Thaipusam) ఉత్సవాలను పురస్కరించుకుని ఓ ప్రైవేటు కంపెనీ ఉచితంగా ధోతీలు, చీరలు పంపిణీ చేయనున్నట్లు ప్రకటించింది. ఇందుకోసం నేడు టోకెన్లు జారీ చేయగా.. వీటిని తీసుకునేందుకు ప్రజలు వేలాదిగా తరలివచ్చారు. ఈ క్రమంలో తొక్కిసలాట (stampede) జరిగి కొందరు మహిళలు కిందపడిపోయారు. ఈ ఘటనలో నలుగురు మహిళలు ప్రాణాలు కోల్పోగా.. మరో 10 మంది గాయపడినట్లు పోలీసులు తెలిపారు. క్షతగాత్రులను సమీపంలోని ఆసుపత్రికి తరలించారు. ఘటనపై దర్యాప్తు చేస్తున్నామన్నారు.