Published : 09/11/2021 01:31 IST

‘మానసికంగా అలసిపోయా.. ఏకాంతంలోకి వెళ్తున్నా’: మహారాష్ట్ర ఎంపీ

ముంబయి: మనిషికి మానసిక ఆరోగ్యం చాలా ముఖ్యం. దాన్ని కాపాడుకునేందుకు సరైన సమయంలో సరైన నిర్ణయాలు అవసరం! తాజాగా ఇదే కారణంతో.. మహారాష్ట్రకు చెందిన ఓ ఎంపీ తాను ఏకాంతంలోకి వెళ్తున్నట్లు ప్రకటించారు. మానసిక, శారీరక ఒత్తిడి కారణంగా అలసిపోయినట్లు తెలిపారు. ఆయనే పుణె జిల్లాలోని శిరూర్ నియోజకవర్గానికి చెందిన ఎన్సీపీ ఎంపీ అమోల్ కోల్హే. ఆయన నటుడు కూడా. గతంలో తాను తీసుకున్న కొన్ని నిర్ణయాలను ఏకాంత సమయంలో సమీక్షించుకుంటానని పేర్కొన్నారు. ఈ మేరకు సామాజిక మాధ్యమంలో ఆయన ఓ పోస్టు పెట్టారు.

‘అవలోకానికి సమయమిది. కొన్నేళ్లుగా.. తెలియకుండానే పరుగులు పెడుతున్నా! ఈ క్రమంలో కొన్ని తీవ్రమైన నిర్ణయాలు తీసుకున్నా. ఊహించని అడుగులు వేశా. ఇవన్నీ చేస్తున్నప్పుడు చాలా బ్యాలెన్సింగ్‌గా వ్యవహరించాల్సి వచ్చింది. టైమ్ మేనేజ్‌మెంట్ తప్పలేదు. దీంతో ఒత్తిడికి లోనయ్యా. మానసికంగా, శారీరకంగా అలసిపోయా’ అని రాసుకొచ్చారు. ఈ మానసిక అలసట నుంచి బయటపడేందుకు ధ్యానం, చింతన అవసరమని.. అందుకోసమే ఏకాంతంలోకి వెళ్తున్నట్లు తెలిపారు. త్వరలో కొత్త ఉత్సాహంతో మళ్లీ కలుద్దామని పేర్కొన్నారు. చివర్లో ‘చింతన కోసమే వెళ్తున్నా.. చింతన శిబిరం (రాజకీయ శిబిరం) కోసం కాద’ని చమత్కరించారు. దీనిపై నెటిజన్లు, ఆయన మద్దతుదారులూ సానుకూలంగా స్పందించారు. అమోల్‌ 2019 లోక్‌సభ ఎన్నికల్లో శివసేన అభ్యర్థిపై విజయం సాధించారు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని