సీజేఐ జస్టిస్‌ బోబ్డేకి అశ్వినీకుమార్‌ లేఖ

దిల్లీ: దేశంలో కరోనా విజృంభిస్తుండటంపై సుప్రీంకోర్టు ప్రధాన న్యాయమూర్తి జస్టిస్‌ ఎస్‌.ఎ.బోబ్డేకి సుప్రీంకోర్టు సీనియర్ న్యాయవాది అశ్వినీ కుమార్ లేఖ రాశారు. కరోనా ఉద్ధృతిపై సుమోటోగా విచారణ జరపాలని విజ్ఞప్తి చేశారు. దేశవ్యాప్తంగా 2 లక్షల కేసులు దాటడాన్ని సీజేఐ దృష్టికి తీసుకెళ్లారు. కరోనా కట్టడికి కేంద్రం, రాష్ట్ర ప్రభుత్వాలకు పలు ఆదేశాలు జారీ చేయాలని విన్నవించారు. ఎన్నికల ర్యాలీలు, ధర్నాలపై నిషేధం విధించాలని కోరారు. అలాగే కొవిడ్‌ టీకా ఎగుమతులపై నిషేధం విధించాలని.. అన్ని వయసుల వారికీ టీకా అందుబాటులోకి తీసుకురావాలని విజ్ఞప్తి చేశారు.