Updated : 09 Dec 2021 16:48 IST

Covovax in India: 2 నుంచి 17 ఏళ్ల పిల్లలపై క్లినికల్‌ ట్రయల్స్‌..!

నియామక ప్రక్రియ ప్రారంభించిన సీరం ఇన్‌స్టిట్యూట్‌

దిల్లీ: దేశంలో చిన్నారుల కోసం కరోనా టీకా తెచ్చేందుకు మరో సంస్థ ప్రయత్నాలు ముమ్మరం చేస్తోంది. అమెరికాకు చెందిన నొవావాక్స్‌ సంస్థ చిన్నారుల కోసం తయారు చేసిన టీకా (Covovax)ను భారత్‌లో రెండు, మూడో దశల ప్రయోగాలను నిర్వహించేందుకు సిద్ధమైంది. ఈ క్లినికల్‌ ట్రయల్స్‌ కోసం 2 నుంచి 17ఏళ్ల మధ్య వయసు చిన్నారులను నియమించుకునే ప్రక్రియను ఆదివారం ప్రారంభించింది. దిల్లీలోని హమ్‌దార్ద్‌ ఇన్‌స్టిట్యూట్‌ ఆఫ్‌ మెడికల్ సైన్స్‌ అండ్‌ రీసెర్చ్‌లో వీటిని నిర్వహిస్తున్నారు.

చిన్నారులపై ప్రయోగాల్లో భాగంగా మొత్తం 920మంది పిల్లలపై వీటిని ప్రయోగించనున్నారు. ఇందులో 460 మంది 2 నుంచి 11 ఏళ్ల వయసు పిల్లలు కాగా మరో 460 మందిని 12 నుంచి 17 ఏళ్ల వయసున్న చిన్నారులను పరిగణలోకి తీసుకుంటామని అధికారులు వెల్లడించారు. కొవావాక్స్‌ ప్రయోగాలను భారత్‌లో సీరం ఇన్‌స్టిట్యూట్‌ ఆఫ్‌ ఇండియా నిర్వహిస్తోంది. ఇక 12 నుంచి 18 ఏళ్ల పిల్లలు వినియోగించేలా భారత్‌కు చెందిన జైడస్‌ క్యాడిలా వ్యాక్సిన్‌కు కేంద్ర ప్రభుత్వం ఈమధ్యే అనుమతి ఇచ్చిన విషయం తెలిసిందే. త్వరలోనే ఈ వ్యాక్సిన్‌ అందుబాటులోకి రానుంది.

ఇక అమెరికాకు చెందిన నొవావాక్స్‌ రూపొందించిన కొవావాక్స్‌ టీకా పెద్దల్లో సమర్థంగా పనిచేస్తున్నట్లు తేలింది. వీటిని ఆస్ట్రేలియా, దక్షిణాఫ్రికా, యూకే, అమెరికా దేశాల్లో 50వేల మంది పెద్దలు, 2,248 మంది చిన్నారులపై ప్రయోగాలు నిర్వహించారు. కరోనా వైరస్‌ను నిరోధించడంలో ఈ వ్యాక్సిన్‌ 90శాతం సమర్థత చూపించినట్లు ఫలితాల్లో తేలింది. భారత్‌లోనూ 1400 మంది (18 ఏళ్ల పైబడిన వారి)పై అధ్యయనం జరుగుతోంది. ఇప్పటికే వీరందరికీ తొలి డోసు అందించగా ఎలాంటి దుష్ర్పభావాలు కనిపించలేదని తెలిసింది. ఇదే సమయంలో కొవొవాక్స్‌ టీకా మొదటి బ్యాచ్‌ ఉత్పత్తిని సీరం ఇన్‌స్టిట్యూట్‌ పుణె కేంద్రంలో ఈ మధ్యే ప్రారంభించారు.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని