Updated : 21/08/2021 14:25 IST

Afghanistan: తాలిబన్ల చెరలో భారతీయులు..?

అప్రమత్తమైన విదేశాంగ శాఖ

కాబుల్‌: అఫ్గాన్‌లో తాలిబన్ల అరాచకాలు కొనసాగుతున్నాయి. కాబుల్ విమానాశ్రయ సమీపం నుంచి 150 మంది పౌరులను తాలిబన్లు కిడ్నాప్‌ చేసినట్లు సమాచారం. అఫ్గాన్‌ నుంచి ఇతర దేశాలకు వెళ్లేందుకు సిద్ధంగా ఉన్నవారిని నిర్బంధించినట్లు తెలుస్తోంది. వారిలో భారతీయుల సంఖ్య ఎక్కువగా ఉన్నట్లు స్థానిక మీడియాలో వార్తలు వస్తున్నాయి. ఈ వార్తల నేపథ్యంలో భారత విదేశాంగ వెంటనే అప్రమత్తమైంది. మరోపక్క ఈ వార్తలను తాలిబన్‌ ప్రతినిధి ఖండించారు.

భారత వైమానిక విమానం సీ-130 కాబుల్‌ నుంచి కొద్ది గంటల క్రితం 85 మంది భారతీయుల్ని తరలించింది. ఆ విమానం తజకిస్థాన్‌లోని దుషన్‌బేలో సురక్షితంగా ల్యాండ్ అయినట్లు తెలుస్తోంది. ఈ సమయంలో అపహరణ గురించి వార్తలు వచ్చాయి. దీనిపై అధికారిక ప్రకటన వెలువడాల్సి ఉంది.

వారికి ఏ ప్రమాదం లేదు..

అపహరణకు గురైన భారతీయులకు తాలిబన్ల నుంచి ఏ ప్రమాదం లేదని ప్రభుత్వ వర్గాలు భరోసా ఇచ్చాయి. ప్రస్తుతం వారిని సమీపంలోని పోలీస్ స్టేషన్‌లో ప్రశ్నిస్తున్నట్లు చెప్పాయి. భారతీయ పౌరులందరినీ సురక్షితంగా తీసుకువచ్చేందుకు చర్చలు కొనసాగుతున్నట్లు తెలిపాయి.


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని