Flight: శునకం కోసం విమానం బిజినెస్‌ కేబిన్‌ బుకింగ్‌

ముంబయి: పెంపుడు శునకంతో సహా ముంబయి నుంచి చెన్నైకి ప్రయాణించేందుకు ఓ యజమాని ఎయిరిండియా విమానంలోని బిజినెస్‌ కేబిన్‌ మొత్తాన్ని బుక్‌ చేసుకున్నారు. ఇందుకోసం ఆయన రూ.2.50 లక్షలు వెచ్చించినట్లు సమాచారం. బుధవారం ఉదయం 9 గంటలకు ముంబయి విమానాశ్రయం నుంచి ఎయిరిండియా విమానంలో బయలుదేరినట్లు తెలిసింది. ఈ విమానంలో బిజినెస్‌ క్లాస్‌ కేబిన్‌ సీట్లు 12 ఉంటాయి. దీంతో ముంబయికి చెందిన ప్రయాణికుడు శునకంతో సహాయ ప్రయాణించేందుకు 12 సీట్లనూ బుక్‌ చేసుకున్నారు. సాధారణంగా ముంబయి నుంచి చెన్నైకి ఎయిరిండియా బిజినెస్‌ క్లాస్‌ టికెట్‌ రూ.20,000 ఉంటుంది.