PM Modi: జో బైడెన్‌తో ప్రధాని మోదీ భేటీ ఖరారు

వాషింగ్టన్‌: అమెరికా అధ్యక్షుడు జో బైడెన్‌తో ప్రధానమంత్రి నరేంద్ర మోదీ భేటీ ఖరారైంది. శుక్రవారం (సెప్టెంబర్‌ 24) ఇరు దేశాల అధినేతలు శ్వేతసౌధంలో సమావేశం కానున్నారు. ఈ మేరకు అధ్యక్ష భవనం సోమవారం ఒక ప్రకటన విడుదల చేసింది. మోదీ అగ్రరాజ్య పర్యటన బుధవారం నుంచి ప్రారంభం కానుంది. బైడెన్‌తో సమావేశంలో ద్వైపాక్షిక అంశాలతో పాటు.. తాలిబన్ల ఆక్రమణ నేపథ్యంలో అఫ్గాన్‌లో తలెత్తిన పరిస్థితులు, కొవిడ్‌-19 వ్యాక్సిన్‌.. తదితర విషయాలు చర్చకు వచ్చే అవకాశం ఉంది. అదే రోజు క్వాడ్‌ కూటమి సదస్సుకు అమెరికా ఆతిథ్యమివ్వనుంది. ఇందులో మోదీ, బైడెన్‌, జపాన్‌ ప్రధాని సుగా యోషిహిడే, ఆస్ట్రేలియా ప్రధాని స్కాట్‌ మోరిసన్‌ పాల్గొననున్నారు.