Lottery ticket: రూ.290 కోట్ల లాటరీ టికెట్‌ వారం పాటు బ్యాగులోనే!

బెర్లిన్‌: జర్మనీకి చెందిన మహిళకు కలలో కూడా ఊహించని జాక్‌పాట్‌ తగిలింది. లాటరీలో 39 మిలియన్‌ డాలర్లు (సుమారు రూ.290 కోట్లు) గెలుచుకుంది. ఈ విషయం తెలియని ఆమె వారం పాటు ఆ టికెట్‌ను తన బ్యాగులోనే ఉంచుకుంది. చివరకు లాటరీ మొత్తాన్ని తీసుకుని ఆనందానికి లోనైంది. జర్మనీలో జరిగిన ఈ ఘటన ఆలస్యంగా వెలుగుచూసింది. ‘‘45 ఏళ్ల ఓ మహిళ కొనుగోలు చేసిన టికెట్‌ రూ. 290 కోట్లు గెల్చుకుంది. డ్రాలో ఆమె ఒక్కరే విజేతగా నిలిచారు. ఇది తెలియని ఆమె వారం పాటు ఆ టికెట్‌ను తన బ్యాగులోనే ఉంచుకున్నారు’’ అని లాటరీ టికెట్‌ కంపెనీ ప్రతినిధులు తెలిపారు. అయితే ఆ మహిళ పేరును వెల్లడించలేదు. మొత్తంమీద ఆలస్యంగానైనా ఆ మహిళ డబ్బు తీసుకుంది. విషయం తెలియక.. ఆ టికెట్‌ను తన బ్యాగ్‌లో ఉంచుకుని ఎంతో నిర్లక్ష్యంగా వ్యవహరించినట్లు ఆ మహిళ తెలిపారు.  గెల్చుకున్న మొత్తం తన కుటుంబం ఆరోగ్యకర జీవితాన్ని గడిపేందుకు సరిపోతుందని చెప్పారు.