Karnataka: కుప్పూరు గద్దుగె మఠాధిపతిగా బాలుడు

బెంగళూరు, చిక్కనాయకనహళ్లి, న్యూస్‌టుడే: కర్ణాటకలోని కుప్పూరు గద్దుగె మఠాధిపతిగా తేజస్‌ కుమార్‌(13) అనే బాలుడు ఎంపికయ్యారు. తుమకూరు జిల్లా చిక్కనాయనహళ్లి తాలూకాలో ఉన్న ఈ మఠానికి ఇప్పటివరకు అధిపతిగా ఉన్న యతీంద్ర శివాచార్య స్వామీజీ కొవిడ్‌ బారినపడి ఈనెల 25న కన్నుమూశారు. ఆయన మరణించే ముందు... తేజస్‌ను వారసునిగా ప్రకటించారు. మఠాధిపతికి అంత్యక్రియలు నిర్వహించేందుకు వారసుడు తప్పనిసరి. జిల్లా ఇన్‌ఛార్జి మంత్రి జె.సి.మాధుస్వామి, ఇతర మఠాల అధిపతులు, ఆధ్యాత్మికవేత్తల సమక్షంలో కొత్త మఠాధిపతి పేరు ప్రకటించారు. కొత్త మఠాధిపతి చేతుల మీదుగా యతీంద్ర శివాచార్య అంత్యక్రియలు జరిపించారు. ఎనిమిదో తరగతి చదువుతున్న తేజస్‌ కుమార్‌ 2008, ఏప్రిల్‌ 22న జన్మించారు. మైసూరు సుత్తూరు మఠంలో తన విద్యాభ్యాసాన్ని కొనసాగించే అవకాశముంది.