కట్నం డబ్బు రూ.75 లక్షలు బాలికల వసతి గృహానికి విరాళం

బాడ్‌మేడ్‌: రాజస్థాన్‌లోని బాడ్‌మేడ్‌ జిల్లాలో ఓ నవ వధువు.. వరకట్నం కింద తన తండ్రి ఇచ్చిన రూ.75 లక్షలను బాలికల వసతిగృహ నిర్మాణం కోసం విరాళంగా అందజేయడం ద్వారా ఆదర్శంగా నిలిచారు. స్థానిక యువతి అంజలికి ప్రవీణ్‌ సింగ్‌ అనే వ్యక్తితో ఈ నెల 21న వివాహమైంది. కట్నం కింద తనకు సంతకం చేసి ఉన్న ఖాళీ చెక్కు కావాలని ఆమె తన తండ్రిని ముందే అడిగారు.  ఆయన అనుమతితో ఆ మొత్తానికి చెక్కు రాసి వసతిగృహ నిర్మాణం కోసం అందించారు.