Updated : 30 Nov 2021 17:01 IST

Omicron: పీఎం సార్‌.. ఇంకా ఎందుకు ఆలస్యం? విమానాలు ఆపండి..!

కొత్త వేరియంట్‌ నేపథ్యంలో కేంద్రానికి కేజ్రీవాల్ అభ్యర్థన

దిల్లీ: కరోనా కొత్త వేరియంట్ ఒమిక్రాన్ భయాందోళనల మధ్య.. అంతర్జాతీయ విమానాలపై కేంద్రం ఆంక్షలు విధించాలని మంగళవారం దిల్లీ ముఖ్యమంత్రి అరవింద్ కేజ్రీవాల్ కోరారు. గత ఏడాది కరోనా మొదటి దశ సమయంలో కూడా అంతర్జాతీయ విమాన ప్రయాణాలను నియంత్రించడంలో భారత్ ఆలస్యంగా స్పందించిందని ట్వీట్ చేశారు.

‘ఒమిక్రాన్ ప్రభావిత దేశాల నుంచి ఇప్పటికే పలు దేశాలు విమాన రాకపోకలను నియత్రించాయి. మనం ఎందుకు ఆలస్యం చేస్తున్నాం? కరోనా మొదటి దశ సమయంలో కూడా అంతర్జాతీయ విమానాలపై ఆంక్షలు విధించడంలో ఆలస్యం చేశాం. పలు దేశాల నుంచి వచ్చే విమానాలు ఎక్కువ శాతం దిల్లీలోనే దిగుతాయి. దాంతో ఈ రాజధాని నగరంపై వైరస్ ప్రభావం ఎక్కువగా ఉంటుంది. పీఎం సార్‌.. దయచేసి విమానాలు ఆపండి’ అంటూ ట్విటర్ వేదికగా కేజ్రీవాల్‌ ప్రధానిని అభ్యర్థించారు. అలాగే దక్షిణాఫ్రికా నుంచి వచ్చిన ఓ వ్యక్తికి చండీగఢ్‌లో కరోనా పాజిటివ్‌గా తేలిన విషయాన్ని ఈ సందర్భంగా ప్రస్తావించారు. ఆ వ్యక్తితో పాటుగా ఉన్న మరో ఇద్దరికి కూడా వైరస్‌ సోకింది. ప్రస్తుతం వారి నమూనాలను జీనోమ్‌ సీక్వెన్సింగ్‌కు పంపారు.

గత వారం దక్షిణాఫ్రికాలో ఒమిక్రాన్‌ను గుర్తించిన వెంటనే కేజ్రీవాల్‌ స్పందించిన సంగతి తెలిసిందే. ఆ వేరియంట్ భారత్‌లోకి రాకుండా అన్ని చర్యలు తీసుకోవాలని ఆయన కేంద్రాన్ని కోరారు. ఆ వేరియంట్ ప్రభావిత దేశాల నుంచి తక్షణమే విమానాల రాకపోకలను నిలిపివేయాలని అభ్యర్థించారు. ఇదిలా ఉండగా.. గతేడాది మార్చిలో నిలిపివేసిన అంతర్జాతీయ విమాన సర్వీసుల్ని కేంద్రం పునరుద్ధరించే ప్రయత్నాల్లో ఉండగా.. ఒమిక్రాన్ కలవరం ఆటంకంగా మారింది. దాంతో ఆ నిర్ణయంపై ప్రభుత్వం పునరాలోచిస్తోంది.


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని