Updated : 16 Nov 2021 17:44 IST

Sushant Singh: సుశాంత్‌సింగ్‌ కుటుంబంలో మరో విషాదం.. ప్రమాదంలో ఆరుగురి మృతి

పాట్నా: దివంగత బాలీవుడ్‌ నటుడు సుశాంత్‌సింగ్‌ కుటుంబంలో మరో తీరని విషాదం చోటుచేసుకుంది. ఘోర రోడ్డు ప్రమాదంలో ఆరుగురు మృతిచెందారు. వారంతా సుశాంత్‌సింగ్‌ బంధువులుగా తెలుస్తోంది. బిహార్​లోని లఖీసరాయ్​లో ఈ విషాద ఘటన చోటుచేసుకుంది. గ్యాస్​ సిలిండర్ల ట్రక్కు సుమోను ఢీకొన్న ఘటనలో ఒకే కుటుంబానికి  చెందిన ఆరుగురు ప్రాణాలు కోల్పోయారు. తీవ్రంగా గాయపడిన మరో నలుగురిని అక్కడివారు ఆసుపత్రికి తరలించారు. వీరంతా సుశాంత్​ సింగ్​, బిహార్​ మంత్రి నీరజ్​ సింగ్​ బబ్లూ బంధువులుగా అధికారులు గుర్తించారు.

సుశాంత్​సింగ్​ బంధువు, హరియాణా ఏడీజీ ఓంప్రకాశ్​ సింగ్​ సోదరి గీతా సింగ్​ సోమవారం పట్నాలో అనారోగ్యంతో మృతిచెందారు. భర్త లాల్​జీత్​ సింగ్​ సహా మరో తొమ్మిది మంది బంధువులు ఆమె దహనసంస్కారాల అనంతరం పట్నా నుంచి ఓ సుమోలో తిరుగు ప్రయాణమయ్యారు. ఈ క్రమంలో ఈ ఘోర ప్రమాదం జరిగింది. సుమో డ్రైవర్​ నిద్రమత్తులో ఉండటమే ప్రమాదానికి కారణమని స్థానికులు పేర్కొంటున్నారు. కేసు నమోదు చేసిన పోలీసులు ట్రక్కు డ్రైవర్​ను అదుపులోకి తీసుకున్నారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని