Published : 04/12/2021 17:25 IST

Bolsonaro: కరోనా టీకాతో ఎయిడ్స్​కు ముడిపెట్టిన బ్రెజిల్‌ అధ్యక్షుడిపై దర్యాప్తు

బ్రెసీలియా: కొవిడ్​ టీకాలు తీసుకుంటే ఎయిడ్స్​ సోకే ముప్పు ఎక్కువగా ఉంటుందని బ్రెజిల్​ అధ్యక్షుడు జైర్‌ బోల్సొనారో గతంలో చేసిన వ్యాఖ్యలు చర్చనీయాంశమైన విషయం తెలిసిందే. ఆ వ్యాఖ్యలు చేసినందుకు ఇప్పుడు ఆయన చిక్కుల్లో పడ్డారు. కరోనా టీకాలు, ఎయిడ్స్​కు ముడిపెడుతూ బోల్సొనారో చేసిన వ్యాఖ్యలపై దర్యాప్తు చేపట్టాలని ఆ దేశ అత్యున్నత న్యాయస్థానం శుక్రవారం ఆదేశించింది. ఈ మేరకు సుప్రీంకోర్టు న్యాయమూర్తి జస్టిస్​ అలెగ్జాండర్​ డీ మోరేస్​.. ప్రాసిక్యూటర్​ అగస్టో ఆరస్​కు సూచించారు.

బ్రెజిల్‌ అధ్యక్షుడు అక్టోబర్​ 24న మీడియాతో మాట్లాడుతూ.. ‘పూర్తిస్థాయిలో వ్యాక్సిన్​ తీసుకున్న ప్రజలు.. ఎయిడ్స్​ బారినపడే ముప్పు ఎక్కువగా ఉందని బ్రిటన్​ ప్రభుత్వం రూపొందించిన ఓ నివేదికలో బయటపడింది’ అని వ్యాఖ్యానించారు. కాగా ఆ వీడియో సామాజిక మాధ్యమాల్లో వైరల్​గా మారింది. వెంటనే ఆ వీడియోను ఫేస్​బుక్​, ఇన్‌స్టాగ్రామ్​లు తొలగించాయి. అయితే అధ్యక్షుడిపై దర్యాప్తు జరగడం ప్రశ్నార్థకమే. కరోనా మహమ్మారి నిర్వహణలో బోల్సొనారోపై ఎన్నో ఆరోపణలు వచ్చాయి. ఆయనపై విచారణ జరపాలని సెనేట్​ కమిటీ పలుమార్లు డిమాండ్​ చేసింది. కానీ అది సాధ్యం కాలేదు. కొవిడ్​ నిబంధనలను అధ్యక్షుడు పాటించేవారు కాదు. మాస్కు ధరించకుండానే తిరిగేవారు. ఇప్పటికీ కొవిడ్​ టీకా తీసుకోలేదు.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని