Updated : 17 Dec 2021 22:27 IST

Novavax: నొవావాక్స్‌ టీకా వినియోగానికి WHO అనుమతి

జెనీవా: కరోనా వైరస్‌ను అరికట్టేందుకు మరో టీకా వినియోగానికి డబ్ల్యూహెచ్‌వో పచ్చజెండా ఊపింది. నొవావాక్స్ టీకాకు అత్యవసర అనుమతి మంజూరు చేసినట్లు ప్రపంచ ఆరోగ్య సంస్థ (WHO) శుక్రవారం ప్రకటించింది. అమెరికా సంస్థ నొవావాక్స్‌ తయారు చేసిన ఈ టీకాను భారత్‌లో కొవొవాక్స్‌ పేరుతో సీరం ఇన్‌స్టిట్యూట్‌ ఉత్పత్తి చేస్తోంది. అమెరికా సంస్థ నొవావాక్స్ తయారు చేసిన ఈ టీకాను భారత్‌లోని సీరమ్ ఇన్‌స్టిట్యూట్ ఆఫ్ ఇండియా ఉత్పత్తి చేస్తోంది. ఇప్పుడు ఈ టీకా ఇప్పుడు గ్లోబల్ వ్యాక్సిన్-షేరింగ్ సిస్టమ్ కొవాక్స్‌లో భాగంగా పంపిణీ కానుంది.

‘కరోనా కొత్త వేరియంట్‌లు వెలువడుతుండటంతో తీవ్రమైన అనారోగ్యం, మరణాల నుంచి ప్రజలను రక్షించేందుకు టీకాలు అత్యంత ప్రభావవంతమైన సాధనాల్లో ఒకటి. తక్కువ ఆదాయం గల దేశాల్లో మరింత మందికి టీకాలు ఇచ్చేందుకు ఇది ఎంతగానో ఉపయోగపడనుంది’ అని డబ్ల్యూహెచ్‌లో ఓ ప్రకటన ద్వారా వెల్లడించింది. తక్కువ ఆదాయం గల 41 దేశాల్లో ఇప్పటికీ 10 మంది కూడా టీకాలు పొందలేకపోయారని, 98 దేశాలు 40 శాతం కూడా తీసుకోలేదని డబ్ల్యూహెచ్‌లో సీనియర్‌ అధికారిణి మరియాంజెలో సిమావ్‌ తెలిపారు. ఈ అనుమతితో ఆయా దేశాల్లో మరింత మంది టీకాలు పొందే అవకాశం ఉందని ఆమె పేర్కొన్నారు.

నొవావాక్స్‌ టీకా వినియోగానికి అనుమతి ఇవ్వాలని కోరుతూ ప్రపంచ ఆరోగ్య సంస్థకు దరఖాస్తు ప్రక్రియ పూర్తయిందని సీరమ్‌ గత నెల మొదట్లోనే వెల్లడించింది. నొవావాక్స్‌ రూపొందించిన NVX-CoV2373 టీకా సామర్థ్యానికి సంబంధించి పూర్తి సమాచారాన్ని డబ్ల్యూహెచ్‌వోకు అందించినట్లు పేర్కొంది. ఈ టీకా 90శాతం సమర్థత కలిగి ఉన్నట్లు ప్రయోగాల్లో వెల్లడైంది. బ్రిటన్‌, దక్షిణాఫ్రికాలో జరిపిన ప్రయోగాల్లోనూ 89 శాతం ప్రభావశీలత కలిగినట్లు తేలింది. ఇప్పటివరకు అందుబాటులోకి వచ్చిన వ్యాక్సిన్‌లకు భిన్న సాంకేతికతతో నొవావాక్స్‌ను అభివృద్ధి చేశారు. ముఖ్యంగా స్పైక్‌ ప్రొటీన్‌ను గుర్తించి, వైరస్‌పై దాడి చేసేందుకు శరీరాన్ని సిద్ధం చేసేలా ఈ వ్యాక్సిన్‌ రూపొందించారు. ఈ టీకా 5 కోట్ల డోసులను ఎగుమతి చేసేందుకు కేంద్రం కొద్దిరోజుల క్రితమే అనుమతి ఇచ్చింది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని