Published : 17/08/2021 01:36 IST

Ashraf Ghani: ఘనీ ఎంత డబ్బుతో పారిపోయారో తెలుసా..?

వెల్లడించిన రష్యా దౌత్యకార్యాలయం

కాబుల్‌: అఫ్గానిస్థాన్ అధ్యక్షుడు అష్రాఫ్ ఘనీ కట్టల కొద్ది డబ్బుతో దేశాన్ని వీడారట. నాలుగు కార్లు, ఒక హెలికాప్టర్‌లో పట్టేమొత్తాన్ని వెంట తీసుకెళ్లారని, మిగతాది వాటిలో కూర్చడం కుదరక అక్కడే వదలాల్సి వచ్చిందని ఓ అధికారి వెల్లడించారు. అఫ్గాన్‌లోని రష్యా దౌత్యకార్యాలయం సోమవారం ఈ విషయాన్ని వెల్లడించిందని ఓ వార్తా కథనం పేర్కొంది. 

ఘనీ ప్రస్తుతం ఏ దేశానికి వెళ్లారన్నదానిపై కచ్చితమైన సమాచారం లేదు. మొదట తజికిస్థాన్‌కు వెళ్లనున్నారని వార్తలు వచ్చాయి. ఆ దేశం అనుమతించకపోవడంతో ప్రస్తుతం ఒమన్ వెళ్లినట్లు తెలుస్తోంది. అక్కడి నుంచి అమెరికాకు వెళ్లనున్నారని సమాచారం. ‘అష్రాఫ్ ఘనీ గురించి తెలిసిన విషయం ఏంటంటే.. ఆయన వెళ్లేప్పుడు వెంట పెద్ద మొత్తంలో డబ్బు తీసుకెళ్లారు. నాలుగు కార్లను డబ్బుతో నింపేశారు. మరికొంత మొత్తాన్ని హెలికాప్టర్‌లో సర్దారు. వాటిలో పట్టకపోవడంతో మరికొంత సొమ్మును అక్కడే వదిలేశారు’ అని నికితా ఇషెంకో వెల్లడించారు. నికిత కాబుల్‌లోని రష్యా దౌత్యకార్యాలయానికి చెందిన అధికార ప్రతినిధి. ప్రత్యక్ష సాక్షుల నుంచి సేకరించిన సమాచారం ఆధారంగా ఆ వ్యాఖ్యలు చేసినట్లు ఓ వార్తా సంస్థకు వెల్లడించారు. అయితే ఆ వార్తలు మాత్రం ధ్రువీకరణ కాలేదు.

తాలిబాన్ల ఆక్రమణతో అఫ్గానిస్థాన్‌లో పలు దేశాల దౌత్యకార్యాలయాలు ఖాళీ అయ్యాయి. రష్యా మాత్రం కొందరు అధికారుల్ని అక్కడే ఉంచింది. తాలిబాన్లనతో సంబంధాలకు మొగ్గు చూపుతున్న ఆ దేశం.. వారిని పాలకులుగా గుర్తించడానికి తొందరేమీ లేదని వ్యాఖ్యానించింది. వారి పాలనను కొంతకాలం గమనించనున్నట్లు చెప్పింది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని