Gender change: ‘స్వేచ్ఛగా జీవిస్తా’.. పురుషుడిగా మారేందుకు మహిళా కానిస్టేబుల్కు అనుమతి
పురుషుడిగా మారాలనుకుంటున్న మహిళా కానిస్టేబుల్కు రాష్ట్ర హోంశాఖ నుంచి అనుమతులు వచ్చినట్లు అదనపు చీఫ్ సెక్రటరీ(హోంశాఖ) డాక్టర్ రాజేశ్ రాజోరా తెలిపారు.....
భోపాల్: మధ్యప్రదేశ్ పోలీసు శాఖలో పనిచేస్తున్న ఓ మహిళా కానిస్టేబుల్.. పురుషుడిగా మారాలనుకున్నారు. అందుకు రాష్ట్ర ప్రభుత్వానికి దరఖాస్తు పెట్టుకున్నారు. అన్ని అంశాలు పరిశీలించిన ప్రభుత్వం తాజాగా ఆమె లింగ మార్పిడికి అనుమతించింది. పురుషుడిగా మారాలనుకుంటున్న మహిళా కానిస్టేబుల్కు రాష్ట్ర హోంశాఖ నుంచి అనుమతులు వచ్చినట్లు అదనపు చీఫ్ సెక్రటరీ(హోంశాఖ) డాక్టర్ రాజేశ్ రాజోరా తెలిపారు. ‘మహిళ నుంచి పురుషుడిగా మారేందుకు ప్రభుత్వ విభాగం అనుమతించటం రాష్ట్రంలో ఇదే తొలిసారి. తన చిన్నతనం నుంచే ఆమె పురుష లక్షణాలను కలిగి ఉన్నట్లు వైద్యులు తేల్చారు. ఈ కారణంగానే ఆమె లింగ మార్పిడికి హోంశాఖ అనుమతులిచ్చింది’ అని అదనపు చీఫ్ సెక్రటరీ డా.రాజేశ్ రాజోరా వెల్లడించారు.
లింగమార్పిడికి అనుతించాలని సదరు మహిళా కానిస్టేబుల్ 2019లో పోలీస్ హెడ్క్వార్టర్స్కు దరఖాస్తు పంపించారని, దాంతో పాటు అఫిడవిట్ దాఖలు చేసినట్లు రాజేశ్ రాజోరా తెలిపారు. నిబంధనలకు లోబడే లింగ మార్పిడికి అనుమతులు ఇచ్చినట్లు తెలిపారు.
కానిస్టేబుల్ హర్షం
తాజా ప్రభుత్వ నిర్ణయంతో సదరు కానిస్టేబుల్ హర్షం వ్యక్తం చేశారు. ఈ అనుమతితో నా జీవితమే మారిపోనుందని.. ఇకపై స్వేచ్ఛగా, పరిపూర్ణంగా జీవించగలుగుతానని ఆనందం వ్యక్తం చేశారు. ‘నేను స్త్రీ శరీరంలో చిక్కుకున్న పురుషుడిని. నా జీవనశైలిని పురుషుడిగా మార్చుకున్నప్పటకీ.. అమ్మాయిలా జీవిస్తూ నన్ను నేను మోసం చేసుకోలేక నిత్యం ఉక్కిరిబిక్కిరి అవుతున్నాను’ అంటూ ఆవేదన చెందారు. ‘మా గ్రామంలో చిన్నప్పటినుంచే నన్ను టామ్బాయ్ అని పిలిచేవారు. మహిళల కోటాలో ఏడేళ్ల క్రితం కానిస్టేబుల్గా ఎంపికయ్యా. ప్రస్తుతం నా సంపాదనతోనే కుటుంబం గడుస్తోంది’ అని వెల్లడించారు.
► Read latest National - International News and Telugu News
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
తాజా వార్తలు (Latest News)
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి
-
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
-
మే 31 వరకు వేసవి సెలవులు.. ప్రకటించిన ఇంటర్ బోర్డు
-
బాలకృష్ణ లుక్స్.. ఈ సారి ‘అఖండ’కు మించి: రామ్స్
-
అల్లు అర్జున్కు మరో అరుదైన గౌరవం.. తొలి సినిమా విడుదలైన రోజే