Live Telecast: లోక్​సభ సమావేశాల వీక్షణకు ప్రత్యేక యాప్​.. ప్రారంభించిన స్పీకర్

దిల్లీ: లోక్​సభ సమావేశాలను ఇకపై ప్రత్యక్షంగా వీక్షించవచ్చు. ఈ సమావేశాలను లైవ్​లో చూసేందుకు వీలుగా కేంద్ర ప్రభుత్వం యాప్‌ను రూపొందించగా మంగళవారం దాన్ని ప్రారంభించారు. లోక్‌సభలో ప్రశ్నోత్తరాల సమయంలో స్పీకర్​ ఓం బిర్లా ‘ఎల్​ఎస్​ మెంబర్​ యాప్’​ను (LS Member App) ప్రారంభించారు. సభ్యులందరూ ఈ యాప్‌ను డౌన్​లోడ్​ చేసుకోవాలని పేర్కొన్నారు. తమ నియోజకవర్గ ప్రజలు కూడా వినియోగించుకునేలా​ కృషి చేయాలని కోరారు. ‘పార్లమెంటు సమావేశాలను యూజర్లు లైవ్​లో వీక్షించేందుకు వీలుగా ఈ యాప్​ను రూపొందించారు. ప్రశ్నోత్తరాలు, డిబెట్లు, బులెటిన్లు సహా సభ్యుల వివరాలు కూడా తెలుసుకోవచ్చు. పార్లమెంటుకు సంబంధించిన ముఖ్య పత్రాలు, వివిధ కమిటీల రిపోర్ట్​లను చూడొచ్చు’ అని ఓం బిర్లా తెలిపారు. 542 మంది పార్లమెంట్‌ సభ్యుల సమాచారాన్ని కూడా అందులో పొందుపరిచారు.