Published : 30/11/2021 21:03 IST

Omicron: దక్షిణాఫ్రికా కంటే ముందే నెదర్లాండ్స్‌లో ఒమిక్రాన్‌ వ్యాప్తి!

ఆమ్‌స్టర్‌డ్యామ్‌: కొత్త వేరియంట్‌ ఒమిక్రాన్​ ప్రపంచ దేశాలను  గడగడలాడిస్తోంది. కొవిడ్​ అలజడి నుంచి ఇప్పుడిప్పుడే కోలుకుంటున్న అంతర్జాతీయ ఆరోగ్య వ్యవస్థపై ఒమిక్రాన్​ ప్రభావం ఎంత ఉంటుంది? అన్న ప్రశ్న ఇప్పుడు అందరినీ భయపెడుతోంది. ఈ తరుణంలో మరిన్ని దేశాలు ఒమిక్రాన్​ ప్రభావిత ప్రాంతాలుగా మారుతున్నాయి. రోజుకో దేశంలో వైరస్​ ఆనవాళ్లు బయటపడుతున్నాయి. అయితే ఒమిక్రాన్‌పై ప్రపంచ ఆరోగ్య సంస్థను దక్షిణాఫ్రికా హెచ్చరించకముందే.. తమ దేశంలోకి ఈ వేరియంట్‌​ వ్యాపించి ఉంటుందని నెదర్లాండ్స్​ వెల్లడించింది. ఈ నెల 24న ఒమిక్రాన్‌ గురించి డబ్ల్యూహెచ్​ఓకు దక్షిణాఫ్రికా చెప్పిందని.. అయితే తమ దేశంలో ఈనెల 19 నుంచి 23 తేదీల మధ్య తీసిన నమూనాల్లో ఈ వేరియంట్‌ను గుర్తించినట్టు నెథర్లాండ్స్​ ఆరోగ్యశాఖ అధికారులు వెల్లడించారు. దీంతో ఒమిక్రాన్‌ ఎప్పుడు, ఎక్కడ పుట్టిందనే అంశంపై అనుమానాలు వ్యక్తమవుతున్నాయి.

ఆసియాలోని పలు దేశాలకు ఒమిక్రాన్​ విస్తరిస్తోంది. తాజాగా.. జపాన్​లోనూ తొలి కేసు వెలుగులోకి వచ్చింది. నమీబియా నుంచి ఆదివారం టోక్యోకు వచ్చిన ఓ 30ఏళ్ల వ్యక్తిలో ఒమిక్రాన్​ను గుర్తించారు. అతడిని క్వారంటైన్​లో ఉంచి చికిత్స అందిస్తున్నారు. విమానంలో మిగిలిన ప్రయాణికులను గుర్తించి.. వారికి పరీక్ష చేసే పనిలో పడ్డారు అధికారులు. ఈ నేపథ్యంలో ప్రయాణ ఆంక్షలను మరింత కఠినతరం చేస్తామని ఆ దేశ చీఫ్​ కెబినెట్​ సెక్రటరీ హిరోకాజు మట్సూనో వెల్లడించారు. అటు హిందూ మహా సముద్రంలోని ఫ్రాన్స్​ ద్వీపమైన రీయూనియన్​లోనూ ఒమిక్రాన్​ కేసు బయటపడింది. 53ఏళ్ల వ్యక్తికి ఈ కొత్త రకం వైరస్​ సోకింది. మొజాంబిక్​ నుంచి రోగి దక్షిణాఫ్రికాలో దిగి.. అక్కడి నుంచి రీయూనియన్​కు వచ్చినట్టు తెలుస్తోంది. ఆ వ్యక్తి ప్రస్తుతం క్వారంటైన్​లో ఉన్నాడు.

 

Read latest National - International News and Telugu News

 

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని