Published : 20 Dec 2021 12:10 IST

winter session: ‘అందుకే విపక్షాలను ప్రజలు కూడా బహిష్కరిస్తున్నారు’

దిల్లీ: 12 మంది రాజ్యసభ ఎంపీలపై సస్పెన్షన్‌ను ఉపసంహరించుకోవాలని, కేంద్రమంత్రి అజయ్ మిశ్రాను పదవి నుంచి తొలగించాలనే విపక్షాల డిమాండ్ల మధ్య పార్లమెంట్ ఉభయ సభలు దద్దరిల్లుతున్నాయి. ఎంపీల సస్పెన్షన్ అంశంపై చర్చించేందుకు నాలుగు ప్రతిపక్ష పార్టీలకు మాత్రమే కేంద్రం ఆహ్వానం పంపింది. దీనిపై విపక్షాలు మండిపడుతున్నాయి. ఇదిలా ఉండగా.. శీతకాల సమావేశాల తదుపరి వ్యూహంపై చర్చించేందుకు ఈ రోజు ప్రధాని పార్లమెంట్‌లో సీనియర్ మంత్రులతో భేటీ అయ్యారు. 

ఇక సస్పెన్షన్ అంశంపై ప్రభుత్వం పిలిచిన సమావేశానికి హాజరు కావాలా వద్దా అనే అంశంపై నిర్ణయం తీసుకునేందుకు సోమవారం ప్రతిపక్ష పార్టీ నేతలు భేటీ అయ్యారు. అనంతరం శివసేన నేత సంజయ్ రౌత్ మాట్లాడారు. తాము ప్రభుత్వం నిర్వహించే సమావేశానికి హాజరుకావడం లేదని తెలిపారు. తమ రెండు డిమాండ్లను సభలో వినిపిస్తామన్నారు. సభ కార్యకలాపాలను అడ్డుకుంటామని హెచ్చరించారు. సమావేశానికి నాలుగు పార్టీలను ఆహ్వానించి, మిగతా వాటిని వదిలేయడం.. ప్రతిపక్షాలను విడదీసే కుట్రలో భాగమేనని కాంగ్రెస్ నేత మల్లిఖార్జున ఖర్గే ఆరోపించారు.

విపక్షాల తీరుపై పార్లమెంటరీ వ్యవహారాల మంత్రి ప్రహ్లాద్ జోషి స్పందించారు. ‘మేం వారితో మాట్లాడి, పరిష్కారం కనుగొనాలనుకున్నాం. కానీ, వారు సమావేశాన్ని, రాజ్యాంగ దినోత్సవాన్ని కూడా బహిష్కరించారు. అలాగే ప్రజలు కూడా వారిని బహిష్కరిస్తున్నారని తెలుసుకోవాలి’ అని మంత్రి ఆగ్రహం వ్యక్తం చేశారు. ఈ రెండు అంశాలు నేడు కూడా రాజ్యసభలో గందరగోళం సృష్టించాయి. దాంతో ఎగువ సభ మధ్యాహ్నం రెండు గంటల వరకు వాయిదా పడింది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని