Published : 16/08/2021 13:26 IST

Afghanistan: కాబుల్ ఎయిర్‌పోర్టులో కాల్పులు.. ఐదుగురి మృతి

కాబుల్‌: అఫ్గానిస్థాన్‌ తాలిబన్ల వశమవడంతో అక్కడి ప్రజల పరిస్థితి అగమ్యగోచరంగా మారింది. దీంతో వేలాది మంది పౌరులు అఫ్గాన్‌ను వీడి వెళ్లేందుకు కాబుల్‌ విమానాశ్రయానికి పోటెత్తారు. దీంతో అక్కడ విపరీతమైన రద్దీ ఏర్పడింది. పరిస్థితి చేదాటిపోతుండటంతో రద్దీని అదుపుచేసేందుకు భద్రతాబలగాలు కాల్పులు జరిపాయి. ఈ ఘటనలో ఐదుగురు పౌరులు మృతిచెందినట్లు తెలుస్తోంది. ప్రస్తుతం అక్కడ భీతావాహ వాతావరణం నెలకొంది.

దేశ రాజధాని కాబుల్‌ను తాలిబన్లు హస్తగతం చేసుకోవడంతో అధ్యక్షుడు అష్రాఫ్‌ ఘనీ దేశం విడిచి వెళ్లిపోయారు. ఈ వార్త తెలియగానే భయాందోళనకు గురైన దేశ పౌరులు విమానాశ్రయానికి చేరుకున్నారు. దీంతో హమీద్‌ కర్జాయ్‌ అంతర్జాతీయ విమానాశ్రయంలోని పౌర టెర్మినల్‌ కిక్కిరిసిపోయింది. ఒక్కో విమానం వద్ద వందల సంఖ్యలో ప్రజలు గుమిగూడారు. ఈ నేపథ్యంలో రద్దీని అదుపుచేసేందుకు భద్రతా సిబ్బంది కాల్పులు జరిపారు.

ఇదిలా ఉండగా.. అఫ్గాన్‌లో సంక్షోభం నేపథ్యంలో అక్కడ ఉన్న తమ పౌరులను వెనక్కి రప్పించేందుకు భారత్‌, అమెరికా సహా పలు దేశాలు చర్యలు చేపట్టాయి. అయితే తాజాగా అఫ్గాన్‌ గగనతలాన్ని మూసివేశారు. దీంతో ఇతర దేశాల నుంచి అక్కడికి విమానాలు వెళ్లలేని పరిస్థితి తలెత్తింది. మరోవైపు గగనతలాన్ని మూసివేయడంతో ఇతర దేశాల విమానయాన సంస్థలు తమ విమానాలను దారిమళ్లిస్తున్నాయి.

Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని