కేంద్ర కేబినెట్‌ అత్యవసర భేటీ.. 

దిల్లీ: తమిళనాడులో సీడీఎస్‌ జనరల్‌ బిపిన్‌ రావత్‌ ప్రయాణిస్తున్న హెలికాప్టర్‌ కూలిన నేపథ్యంలో కేంద్ర కేబినెట్‌ అత్యవసరంగా సమావేశమైంది.  ప్రధాని నరేంద్ర మోదీ సమక్షంలో కేంద్ర మంత్రివర్గ సమావేశం జరిగింది. ప్రమాదంపై ప్రధానికి రక్షణ మంత్రి రాజ్‌నాథ్‌ వివరించారు.

మరోవైపు ఈ  ఘటనపై కేంద్ర ప్రభుత్వం గురువారం పార్లమెంట్‌లో ప్రకటన చేయనున్నట్లు తెలుస్తోంది. కేంద్ర రక్షణమంత్రి రాజ్‌నాథ్‌ సింగ్‌ రేపు పార్లమెంట్‌లో ప్రకటన చేయనున్నట్లు సంబంధిత వర్గాలు వెల్లడించాయి. ఘటన అనంతర పరిస్థితులను రాజ్‌నాథ్ సమీక్షిస్తున్నారు. కొద్ది సేపటి క్రితం దిల్లీలోని రావత్‌ నివాసానికి కూడా వెళ్లారు. ఈ సాయంత్రం ఆయన ప్రమాదం జరిగిన ప్రాంతానికి వెళ్లనున్నట్లు తెలుస్తోంది. ఈ ఘటనపై వాయుసేన సమగ్ర దర్యాప్తునకు ఆదేశించింది.