Published : 19 Nov 2021 01:49 IST

Smriti Irani: రచయిత్రిగా మారిన స్మృతి .. నవల పేరేంటో తెలుసా..?

దిల్లీ: కేంద్రమంత్రి స్మృతి ఇరానీ రచయిత్రిగా మారారు. త్వరలో తన మొదటి నవల ‘లాల్‌ సలాం’తో పాఠకులను పలకరించనున్నారు. ఈ విషయాన్ని ఆమె ట్విటర్ వేదికగా వెల్లడించారు. 2010 ఏప్రిల్‌లో ఛత్తీస్‌గఢ్‌లోని దంతేవాడలో 76 మంది కేంద్రీయ రిజర్వ్‌ పోలీసు సిబ్బందిని హతమార్చిన ఘటన ఇతివృత్తంగా ఈ నవల రాసినట్లు వెల్లడించారు. ఎన్నో సవాళ్లను ఎదుర్కొని దేశానికి సేవ చేసిన వ్యక్తులకు నివాళిగా దీన్ని తీసుకువస్తున్నట్లు చెప్పారు. 

‘ఎన్నో ఏళ్లుగా ఈ కథ నా మదిలో మెదులుతూనే ఉంది. చివరకు దాన్ని కాగితంపై పెట్టకుండా విస్మరించలేని సమయం వచ్చింది. పాఠకులకు పెద్దగా పరిచయం లేని మారుమూల ప్రాంతంలో వెలుగుచూసిన ఈ దారుణ కథనం ప్రతి ఒక్కరినీ ఆకట్టుకుంటుందని ఆశిస్తున్నాను’ అని ఇరానీ తన పుస్తకం గురించి వెల్లడించారు. ఈ పుస్తకంలో విక్రమ్ ప్రతాప్‌ సింగ్ అనే యువ అధికారి గురించి, అవినీతిలో మునిగిపోయిన వ్యవస్థ కారణంగా ఆయనకు ఎదురైన సవాళ్ల గురించి వివరించారు. నవంబర్ 29న ఈ పుస్తకం విడుదల కానుంది. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని