Updated : 02/12/2021 14:51 IST

Internet: ప్రపంచ జనాభాలో ఇప్పటికీ 37% మంది ఇంటర్నెట్‌కి దూరమే!

ఇంటర్నెట్‌ డెస్క్‌: ఇటీవల ఇంటర్నెట్‌ వినియోగం భారీగా పెరిగింది. ముఖ్యంగా కరోనా సమయంలో డిజిటల్‌ చెల్లింపులు, ఆన్‌లైన్‌ తరగతులు తప్పనిసరి అయ్యాయి. దీంతో అందరికీ ఇంటర్నెట్‌ ఒక నిత్యావసర వస్తువుగా మారింది. కానీ.. ఇప్పటికీ ప్రపంచ జనాభాలో 37శాతం (290 కోట్ల) మంది ఇంటర్నెట్‌ వినియోగానికి దూరంగా ఉన్నారని ఐక్యరాజ్య సమితి ఇంటర్నేషనల్‌ టెలికమ్యూనికేషన్‌ యూనియన్‌ (ఐటీయూ) వెల్లడించింది. ఈ 290 కోట్ల మందిలో 96శాతం మంది అభివృద్ధి చెందుతున్న దేశాల్లోనే ఉండటం గమనార్హం. 

కరోనాకి ముందు అంటే 2019లో డిజిటల్‌కి మారిన వారి సంఖ్య 410కోట్లు ఉండగా.. ఈ ఏడాది ఆ సంఖ్య 490కోట్లకు చేరినట్లు ఐటీయూ అంచనా వేసింది. అయినా, కోట్లాది మంది ఇంటర్నెట్‌ సదుపాయం లేక డిజిటల్‌ ప్రపంచానికి దూరంగా ఉంటున్నట్లు వెల్లడించింది. పేద దేశాల్లో ఇంటర్నెట్‌కి అయ్యే ఖర్చులను ప్రజలు భరించలేక వినియోగించడం లేదని పేర్కొంది. పేదరికం, నిరాక్షరాస్యత, పరిమిత విద్యుత్‌ సదుపాయం, డిజిటల్‌ నైపుణ్యాల కొరత వారికి సవాళ్లుగా మారుతున్నాయని తెలిపింది. వారందరినీ డిజిటల్‌గా అనుసంధించడం కోసం.. వారికి ఇంటర్నెట్‌ సదుపాయం కల్పించే ప్రయత్నాలు చేస్తున్నట్లు ఐటీయూ పేర్కొంది. 

Read latest National - International News and Telugu News


Read latest India News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని