Anand Mahindra: నూతన సంవత్సర తీర్మానాలపై మహీంద్రా పంచ్‌

ఇంటర్నెట్‌ డెస్క్: కొత్త సంవత్సరంలో లైఫ్‌ను మరింత అందంగా మార్చుకోవాలని తీర్మానించుకునే వారెందరో. పుస్తకాలు చదవాలని, వేకువజామునే నిద్ర లేవాలని, క్రమంగా తప్పకుండా వ్యాయామం చేయాలని, కొత్త విషయాలు నేర్చుకోవాలని.. ఇలా బోలెడు తీర్మానాలు చేసుకుంటారు. పాటించాలని బలంగా అనుకుంటారు. జనవరి మొదటి రోజు అనుకున్నట్టే పాటిస్తారు. ఇక తర్వాత నుంచి తేదీలు మారుతూ ఉంటాయి. దాంతో పాటే తమ తీర్మానాలకు సడలింపులు తోడవుతుంటాయి. ఇక కొద్దినెలలు గడిచేసరికి అసలు ఏం అనుకున్నామో కూడా గుర్తుండని పరిస్థితి..! ఈ ఆరంభ శూరత్వం గురించి ప్రముఖ వ్యాపారవేత్త ఆనంద్‌ మహీంద్రా ఓ చిత్రాన్ని షేర్ చేశారు. ‘కొత్త సంవత్సరం మొదటివారం మధ్యలో ఇలాగే ఉంటుంది’ అని తనదైన శైలిలో పంచ్‌ విసిరారు. ఇది నెటిజన్లను ఆకట్టుకుంటోంది.