Published : 27 Jun 2021 01:11 IST

ఆందోళనలు విరమించి చర్చలకు రండి: తోమర్‌

దిల్లీ: నూతన వ్యవసాయ చట్టాలను వ్యతిరేకిస్తున్న రైతులు తమ ఆందోళనలను విరమించి చర్చలకు రావాలని కేంద్ర వ్యవసాయ శాఖ మంత్రి నరేంద్రసింగ్‌ తోమర్‌ విజ్ఞప్తి చేశారు. రైతుల ఆందోళన ఏడు నెలలు పూర్తి చేసుకుని ఎనిమిదో నెలలోకి అడుగుపెట్టిన నేపథ్యంలో మంత్రి ఈ విధంగా స్పందించారు. రైతులు వెంటనే ఆందోళనలు విరమించి.. చర్చలకు రావాలని మీడియా ద్వారా కోరారు. నూతన చట్టాలకు దేశవ్యాప్తంగా చాలా మంది మద్దతు ఇస్తున్నారని, కొందరు మాత్రమే వ్యతిరేకిస్తున్నారని చెప్పారు. చట్టాల్లో ఏ నిబంధనలపై అభ్యంతరాలున్నాయో చర్చల సమయంలో ప్రభుత్వం దృష్టికి తీసుకురావాలని సూచించారు.

నూతన వ్యవసాయ చట్టాలను వ్యతిరేకిస్తూ పంజాబ్‌, హరియాణా, యూపీకి చెందిన రైతులు ఆందోళన చేస్తున్న సంగతి తెలిసిందే. దీనిపై కేంద్రం- రైతు సంఘాల ప్రతినిధుల మధ్య 11 దఫాలుగా చర్చలు జరిగినా ఫలితం లేకపోయింది. మరోవైపు ఈ చట్టాలపై సుప్రీంకోర్టు జోక్యం చేసుకుంటూ అమలు నిర్ణయాన్ని తాత్కాలికంగా నిలిపివేసింది. దీనిపై ఓ కమిటీ ఏర్పాటు చేసింది. ఇప్పటికే ఆ కమిటీ కూడా నివేదికను సమర్పించింది. ప్రస్తుతం రైతుల ఆందోళన యథాతథంగా కొనసాగుతోంది.

Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని