Published : 13 Oct 2021 17:07 IST

Jammu Kashmir: కశ్మీర్‌ లోయలో మరో ఎన్‌కౌంటర్‌.. కీలక ఉగ్రవాది హతం

శ్రీనగర్‌: కశ్మీర్‌ లోయలో దాడులకు పాల్పడుతున్న ఉగ్రవాద మూకలను భద్రతాదళాలు ఏరిపారేస్తున్నాయి. తాజాగా జమ్ము-కశ్మీర్‌లోని పుల్వామా జిల్లాలో భద్రతా బలగాలు జరిపిన ఎన్‌కౌంటర్‌లో జైషే-ఈ-మహమ్మద్ ఉగ్రవాద సంస్థకు చెందిన కీలక ఉగ్రవాది శామ్ సోఫీ మరణించినట్లు ఐజీపీ విజయ్‌కుమార్‌ వెల్లడించారు. పుల్వామాలోని అవంతిపురలో ఉన్న తుల్రాన్‌ ప్రాంతంలో ఉగ్రవాదుల ఉనికి ఉన్నట్లుగా భద్రతా దళాలకు సమాచారం అందింది. ఈ మేరకు అక్కడ కార్డన్ సెర్చ్ ఆపరేషన్ నిర్వహించి ఉగ్రవాద ముఠా నాయకుడిని మట్టుబెట్టామని ఓ పోలీసు అధికారి తెలిపారు. ఉగ్రవాదులు భద్రతా దళాలపై ఎదురుకాల్పులు జరపడంతో ఓ భద్రతా సిబ్బంది కూడా మరణించినట్లు పోలీసులు వెల్లడించారు.

కశ్మీర్‌లో వరుస ఉగ్ర దాడుల నేపథ్యంలో భద్రతాదళాలు తనిఖీలు ముమ్మరం చేసిన విషయం తెలిసిందే. ఇప్పటివరకు దాదాపు 700 మంది ఉగ్ర సానుభూతిపరులను అదుపులోకి తీసుకుని విచారిస్తున్నాయి. ఈ క్రమంలో మంగళవారం షోపియాన్‌ జిల్లాలోని రెండు వేర్వేరు చోట్ల భద్రతాదళాలు, ఉగ్రవాదులకు మధ్య జరిగిన కాల్పుల్లో అయిదుగురు ఉగ్రవాదులు హతమయ్యారు. సోమవారం బందిపొరా, అనంత్‌నాగ్‌లో నిర్వహించిన ఎన్‌కౌంటర్లలో ఇద్దరు ఉగ్రవాదులు మృతి చెందారు.


Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని