Sanskrit shlokas: పదేళ్లకే సంస్కృతంలో పాండిత్యం

ఈ చిత్రంలో కనిపిస్తున్న వీరి పేర్లు వాచస్పతి(9), వేదాంత్‌(10). రాజస్థాన్‌లోని జైపుర్‌కు చెందిన వీరు అమరకోశం, స్తోత్ర రత్నావళి, భగవద్గీత, రామచరిత మానస్‌ వంటి గ్రంథాల్లోని కఠినమైన శ్లోకాలను అలవోకగా పఠిస్తారు. కరోనా కాలంలో దొరికిన ఖాళీ సమయాన్ని ఉపయోగించుకొని వారు సుమారు 1500 శ్లోకాలను నేర్చుకున్నారు. ఆ సమయంలో వేదాంత్‌ తండ్రి (వాచస్పతి బాబాయ్‌) శాస్త్రి కౌశలేంద్ర దాస్‌.. సంస్కృత పద్యాలు చదువుకోవాలని వీరిద్దరికీ సూచించారు. దీంతో పద్యాలను కంఠస్తం చేయగలిగినట్లు బాలలు చెప్పారు. ఇంగ్లిష్‌ మీడియం పాఠశాలలో చదువుకునే వారు ప్రత్యేక శ్రద్ధతో సంస్కృతాన్ని నేర్చుకోవడం గమనార్హం.