Published : 27 Feb 2022 17:17 IST

అమెరికా వీసా దరఖాస్తుదారులకు గుడ్‌న్యూస్‌.. వ్యక్తిగత ఇంటర్వ్యూలు రద్దు

వాషింగ్టన్‌: అమెరికా వీసా దరఖాస్తుదారులకు గుడ్‌న్యూస్‌. కొన్ని రకాల వీసాలకు వ్యక్తిగత ఇంటర్వ్యూల నుంచి మినహాయింపు ఇస్తున్నట్లు అమెరికా తెలిపింది. విద్యార్థి, వృత్తి, కళాకారులకు సంబంధించిన వివిధ రకాల వీసా దరఖాస్తుదారులకు ఈ ఏడాది డిసెంబర్‌ 31 వరకు ఈ మినహాయంపు ఇస్తున్నట్లు అమెరికాకు చెందిన ఓ సీనియర్‌ అధికారి భారత సంతతి ప్రతినిధులకు తెలిపారు. విద్యార్థులు (F, M, J), వృత్తి నిపుణులు (H-1, H-2, H-3, L వీసాలు), కళాకారులు, విశిష్ట ప్రతిభావంతులు (O, P, Q)కు ఇచ్చే వీసా దరఖాస్తులకు ఈ మినహాయింపు వర్తిస్తుంది.

ఇంటర్వ్యూ రద్దు వల్ల చాలా మంది వీసా దరఖాస్తుదారులకు మేలు చేకూరనుందని దక్షిణాసియా కమ్యూనిటీ లీడర్‌ అజయ్‌ జైన్‌ భుటోరియా తెలిపారు. దీనివల్ల చాలా మందికి ఉన్న అడ్డంకులు, అవరోధాలు తొలగిపోతాయయని చెప్పారు. ఈయన ఏషియన్‌ అమెరికన్లకు సంబంధించిన అంశాల్లో అమెరికా అధ్యక్షుడు జో బైడెన్‌కు సలహాదారుడిగానూ వ్యవహరిస్తున్నారు. ఇటీవల దక్షిణ మధ్య ఆసియా అసిస్టెంట్‌ సెక్రటరీ డోనల్‌ లూతో జరిగిన భేటీ అనంతరం ఈ విషయాన్ని వెల్లడించారు. డిసెంబర్‌ 31 వరకు ఇంటర్వ్యూలు రద్దు చేస్తున్నట్లు ఆయన పేర్కొన్నట్లు భుటోరియా వెల్లడించారు.
 అయితే, ఈ ఇంటర్వ్యూ రద్దు ప్రోగ్రామ్‌ కింద లబ్ధి పొందాలంటే గతంలో ఏదైనా అమెరికన్‌ వీసా ప్రోగ్రామ్‌ కింద వీసా పొంది ఉండాలి. వీసా గతంలో తిరస్కరణకు గురైన వారు, తగిన అర్హత లేనివారు ఇంటర్వ్యూ మినహాంయపు పొందలేరు. అమెరికాలో ఏ వీసా జారీకైనా వ్యక్తిగత ఇంటర్వ్యూ తప్పనిసరి. అందులో ఎంపికైతేనే వీసా మంజూరవుతుంది. అయితే, ప్రస్తుతం కరోనా నేపథ్యంలో ఇంటర్వ్యూల నుంచి అగ్రరాజ్యం మినహాయింపు ఇస్తోంది.

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని

సుఖీభవ

మరిన్ని