Covaxin: 5-12 ఏళ్ల పిల్లలకు కొవాగ్జిన్‌, కొర్బెవాక్స్‌ టీకాల వినియోగానికి సిఫార్సు

దిల్లీ: దేశంలో 5-12 ఏళ్ల పిల్లలకు గాను రూపొందించిన కొవాగ్జిన్‌, కొర్బెవాక్స్‌ కొవిడ్‌ టీకాల వినియోగానికి ‘ఎన్‌టాగీ’ స్టాండింగ్‌ టెక్నికల్‌ సబ్‌-కమిటీ (ఎస్‌టీఎస్‌సీ) సిఫార్సు చేసినట్లు అధికార వర్గాలు శుక్రవారం వెల్లడించాయి. ఈమేరకు భారత్‌ బయోటెక్‌కు చెందిన కొవాగ్జిన్‌, బయోలాజికల్‌-ఈ కి సంబంధించిన కొర్బెవాక్స్‌ టీకాల డేటాను జూన్‌ 16న నిర్వహించిన ఎస్‌టీఎస్‌సీ సమావేశంలో సభ్యులు సమీక్షించినట్లు వెల్లడించాయి. ఈ సందర్భంగా వీటి వినియోగానికి సిఫార్సు చేయాలని నిర్ణయించినట్లు తెలిపాయి. దేశంలో ఇమ్యునైజేషన్‌పై ఏర్పాటైన జాతీయ సాంకేతిక సలహా బృందాన్ని ‘ఎన్‌టాగీ’గా వ్యవహరిస్తారు.