Delta Variant: యాంటీబాడీలను ఏమార్చుతూ..!
వుహాన్ రకంతో పోలిస్తే డెల్టా వేరియంట్ను ఎదుర్కోవడంలో యాంటీబాడీల సామర్థ్యం తక్కువగానే ఉన్నట్లు భారత్లో జరిపిన తాజా అధ్యయనంలో వెల్లడైంది.
వుహాన్ రకంతో పోల్చితే మరింత సంక్రమణ సామర్థ్యం
తాజా అధ్యయనంలో వెల్లడి
దిల్లీ: కరోనా వైరస్ను ఎదుర్కొనే వ్యాక్సిన్లు ప్రపంచవ్యాప్తంగా అందుబాటులోకి వచ్చినప్పటికీ కొత్తగా వెలుగు చూస్తున్న వేరియంట్లు వైరస్ కట్టడికి మరో సవాలుగా మారుతున్నాయి. అంతేకాకుండా కరోనా నుంచి కోలుకున్న వారిలోనూ రీ-ఇన్ఫెక్షన్కు కారణమవుతున్నాయి. ఈ సమయంలో భారత్లో తీవ్ర ప్రభావాన్ని చూపిన డెల్టా వేరియంట్ (B.1.617.2)ను తటస్థీకరించడంలో కొవిడ్ వల్ల లేదా వ్యాక్సిన్ల వల్ల వృద్ధిచెందే యాంటీబాడీలు కాస్త తక్కువ ప్రభావాన్ని చూపిస్తున్నట్లు తెలుస్తోంది. ముఖ్యంగా వుహాన్ రకంతో పోలిస్తే డెల్టా వేరియంట్ను ఎదుర్కోవడంలో యాంటీబాడీల సామర్థ్యం తక్కువగానే ఉన్నట్లు భారత్లో జరిపిన తాజా అధ్యయనంలో వెల్లడైంది.
బ్రేక్త్రూ ఇన్ఫెక్షన్లలో డెల్టా వేరియంట్..
అధ్యయనంలో భాగంగా వ్యాక్సిన్ పొందిన తర్వాత వైరస్ సోకిన (Breakthrough infections) 100 మంది ఆరోగ్య కార్యకర్తల (HCW) సమాచారాన్ని భారత పరిశోధకులు విశ్లేషించారు. ఇందులో డెల్టా వేరియంట్ సోకినవారిలోనే ఎక్కువ వైరల్ లోడ్ ఉండగా.. ఇతర రకాలు సోకిన వారిలో ఇన్ఫెక్షన్ తక్కువగా ఉన్నట్లు గుర్తించారు. వైరస్ సంక్రమణ సామర్థ్యం డెల్టా వేరియంట్ వారిలోనే ఎక్కువగానే ఉన్నట్లు కనుగొన్నారు. ముఖ్యంగా డెల్టా వేరియంట్లో స్పైక్ ప్రొటీన్లు ఎక్కువగా ఉన్నందున అవి ఊపిరితిత్తుల కణాలకు తేలికగా అతుక్కుపోతున్నట్లు వెల్లడించారు. తద్వారా వుహాన్ స్ట్రెయిన్తో పోలిస్తే చాలా ఎక్కువ మందికి ఇన్ఫెక్షన్ సోకడానికి డెల్టా వేరియంట్ కారణమని నిపుణులు మరోసారి స్పష్టంచేశారు.
వ్యాక్సిన్ తీసుకున్నా.. అప్రమత్తంగా ఉండాల్సిందే!
ప్రపంచవ్యాప్తంగా ఇప్పటివరకు అందుబాటులోకి వచ్చిన వ్యాక్సిన్లన్నీ వుహాన్లో వెలుగు చూసిన కరోనా రకాన్ని పరిగణలోకి తీసుకొనే రూపొందించారు. అయినప్పటికీ కొత్తగా వెలుగు చూస్తున్న కరోనా వేరియంట్లను ప్రస్తుత టీకాలు బాగానే ఎదుర్కొంటున్నట్లు అంతర్జాతీయ అధ్యయనాల్లో వెల్లడవుతోంది. కానీ, వుహాన్ రకంతో పోలిస్తే డెల్టా వేరియంట్ను ఎదుర్కోవడంలో మాత్రం వ్యాక్సిన్లు కాస్త తక్కువ సామర్థ్యాన్ని కనబరుస్తున్నట్లు తెలుస్తోంది. అందుకే వ్యాక్సిన్ తీసుకున్నా కొవిడ్ నిబంధనలు తప్పకుండా పాటించాల్సిందేనని నిపుణులు స్పష్టం చేస్తున్నారు. కొవిడ్ నిబంధనలపై నిర్లక్ష్యం చేస్తే వైరస్ మ్యుటేషన్లకు మరింత అవకాశం ఇచ్చినట్లేనని సర్ గంగారాం ఆస్పత్రిలోని పరిశోధకులు డాక్టర్ చాంద్ వాట్టల్ హెచ్చరించారు. వ్యాక్సినేషన్లో ముందున్న బ్రిటన్ వంటి దేశాల్లో మరోసారి కరోనా ఉద్ధృతికి డెల్టా వేరియంట్ కారణమవుతున్న విషయాన్ని ఆయన గుర్తుచేశారు.
భారత్లో బయటపడిన డెల్టా రకం (B.1.617.2) కరోనా వైరస్ను ‘ఆందోళనకర వేరియంట్’గా ప్రపంచ ఆరోగ్య సంస్థ ఇదివరకే ప్రకటించిన విషయం తెలిసిందే. అయితే, ఈ రకానికి వైరస్ సంక్రమణ సామర్థ్యం ఎక్కువగా ఉండడంతో పాటు కరోనా వైరస్ నుంచి కోలుకున్న వారి యాంటీబాడీల నుంచి తప్పించుకోవడంతో భారత్లో ఈ వైరస్ ఆధిపత్యం కొనసాగిందని పలు అధ్యయనాలు పేర్కొన్నాయి. తాజాగా దిల్లీలోని సర్ గంగారాం ఆస్పత్రితో పాటు మరో రెండు కేంద్రాల్లో జరిపిన అధ్యయనంలోనూ ఇదే విధమైన ఫలితాలు వచ్చాయి. ముఖ్యంగా వేగంగా వ్యాప్తి చెందే ప్రభావం, రీ-ఇన్ఫెక్షన్ల కారణంగా ఈ వేరియంట్ మరింత వ్యాప్తి చెందుతోందని ఈ అధ్యయనంలో వెల్లడైంది. వ్యాక్సిన్ పొందిన ఆరోగ్య సంరక్షణ కార్యకర్తల్లోనూ ఈ రకమైన వేరియంట్ వెలుగు చూస్తున్నట్లు తాజా నివేదిక వెల్లడించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
తాజా వార్తలు (Latest News)
-
గుండెపోటుతో గ్యాంగ్స్టర్ ముఖ్తార్ అన్సారీ మృతి
-
వేడుకగా బర్రెలక్క వివాహం.. విషెస్ చెబుతోన్న నెటిజన్లు..
-
మర్మాంగంలోకి ఎయిర్ బ్లోయర్ నాజిల్.. యువకుడు మృతి
-
IPL 2024: కోల్కతా, రాజస్థాన్ జట్లలో ఒక్కో మార్పు.. కొత్తగా ఎవరొచ్చారంటే..
-
మే 31 వరకు వేసవి సెలవులు.. ప్రకటించిన ఇంటర్ బోర్డు
-
బాలకృష్ణ లుక్స్.. ఈ సారి ‘అఖండ’కు మించి: రామ్స్