Updated : 15 Jun 2022 15:12 IST

Viral Video: ఈ కేఫ్‌కు ఆనంద్‌ మహీంద్రా 10 స్టార్‌ రేటింగ్‌.. ప్రత్యేకత ఏంటంటే..?

ఇంటర్నెట్‌డెస్క్‌: సోషల్‌ మీడియాలో యాక్టివ్‌గా ఉంటూ తరచూ సందేశాత్మక, స్ఫూర్తినిచ్చే అంశాల గురించి పోస్టులు చేస్తుంటారు ప్రముఖ వ్యాపారవేత్త ఆనంద్‌ మహీంద్రా. తాజాగా ఆయన ఓ కేఫ్‌ వీడియోను పోస్ట్‌ చేశారు. దానికి ఏకంగా 10 స్టార్‌ రేటింగ్‌ ఇచ్చారు. మరి ఆ కేఫ్‌కు అంత ప్రత్యేకత ఏంటంటే.. దాన్ని నడుపుతున్నది మన భారత సైన్యం.

కశ్మీర్‌లో గురెజ్‌ వ్యాలీలో ఆర్మీ లాంగ్‌ హట్‌ పేరుతో ఓ కేఫ్‌ను నిర్వహిస్తోంది. ఎత్తైన మంచుకొండల మధ్య, ఆహ్లాదకరమైన వాతావరణంలో ఉండే ఈ అందమైన కేఫ్‌ గురించి గరిమా గోయల్‌ అనే బ్లాగర్ ఓ టూర్‌ వీడియో చేశారు. అక్కడ కూర్చుంటే ప్రకృతి ఒడిలో ఉన్నంత హాయిగా ఉందన్న ఆమె.. కేఫ్‌లోని పదార్థాలు కూడా ఎంతో రుచిగా ఉన్నాయని కితాబిచ్చారు. భారత సైన్యానికి మద్దతుగా ప్రతి ఒక్కరూ ఈ కేఫ్‌ను సందర్శించాలని కోరారు.

ఈ వీడియో వైరల్‌ అవడంతో ఆనంద్‌ మహీంద్రా దృష్టిని ఆకర్షించింది. ఈ వీడియోను షేర్‌ చేసిన మహీంద్రా.. ‘‘నా వరకు.. ఈ కేఫ్‌ 5 స్టార్‌, 7 స్టార్‌ కాదు.. ఏకంగా 10 స్టార్‌ విడిది’’ అని రాసుకొచ్చారు. మహీంద్రా ట్వీట్‌కు అనేక మంది నెటిజన్లు కామెంట్లు చేశారు. కొందరైతే ఆర్మీ నడుపుతోన్న ఇతర కేఫ్‌లు, స్టోర్ల గురించి చెబుతూ పోస్టులు పెట్టారు. 


Read latest India News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts