Karnataka: సీఎంపై మహిళ ముద్దుల వర్షం.. వీడియో వైరల్‌

బెంగళూరు: కర్ణాటక ముఖ్యమంత్రి బసవరాజు బొమ్మైపై తనకున్న అభిమానాన్ని ఓ మహిళ భిన్నంగా చాటుకుంది. సీఎం తన ఇంటికి రావడంతో సంతోషంలో మునిగితేలిన ఆమె.. ముఖ్యమంత్రి చేతిపై ముద్దుల వర్షం కురిపించింది. దీంతో బొమ్మై ఒకింత ఇబ్బందికర పరిస్థితికి గురయ్యారు. అసలేం జరిగిందంటే..

జనసేవక కార్యక్రమంలో భాగంగా సీఎం బొమ్మై సోమవారం బెంగళూరులోని గుట్టహళ్లి ప్రాంతంలో పర్యటించారు. ఈ సందర్భంగా ఓ ఇంటి ముందుకు వెళ్లగా.. సీఎంను చూసిన సంతోషంలో అక్కడున్న ఓ మహిళ బొమ్మై కుడిచేతిని పట్టుకుని పదే పదే ముద్దులు పెట్టింది. ఆమె ప్రవర్తనతో సీఎం ఇబ్బందికి గురయ్యారు. దీంతో పక్కనే ఉన్న మంత్రి అశ్వథ్‌ నారాయణ ఆమెపై ఆగ్రహం వ్యక్తం చేశారు. ఇలా చేయడం సరికాదంటూ వారించారు. అయితే సీఎం చేతిపై మహిళ ఆపకుండా ముద్దులు పెడుతున్న వీడియో ప్రస్తుతం సోషల్‌మీడియాలో వైరల్‌గా మారింది.