Afghanistan: ‘తీవ్ర దిగ్భ్రాంతికి గురయ్యా.. అఫ్గాన్‌ను ఆదుకోవాలి’

ఇంటర్నెట్‌ డెస్క్‌: అఫ్గాన్‌ తాలిబన్ల వశమైన నేపథ్యంలో.. స్థానికంగా పౌరుల జీవనం, వారి హక్కుల విషయంలో ఆయా దేశాలు, ప్రముఖులు ఆందోళన వ్యక్తం చేస్తున్న విషయం తెలిసిందే. తాజాగా నోబెల్‌ శాంతి బహుమతి గ్రహీత మలాలా యూసఫ్‌జాయ్‌ ఈ వ్యవహారంపై స్పందించారు. ‘తాలిబన్లు అఫ్గానిస్థాన్‌ను నియంత్రణలో తీసుకున్న విషయం తెలుసుకుని దిగ్భ్రాంతికి గురయ్యా. అక్కడి మహిళలు, మైనారిటీలు, మానవ హక్కుల కార్యకర్తల విషయమై తీవ్ర ఆందోళన చెందుతున్నా. ప్రపంచ దేశాలు, స్థానిక సంస్థలు.. తక్షణమే కాల్పుల విరమణకు పిలుపునివ్వాలి. మానవతా దృక్పథంతో అక్కడున్న వారికి సహాయం అందించాలి. పౌరులు, శరణార్థులను రక్షించాల’ని ట్వీట్‌ చేశారు. తాలిబన్లు ఆదివారం దేశ రాజధాని కాబూల్‌లోకి ప్రవేశించిన విషయం తెలిసిందే.