Farm Laws: సాగు చట్టాలను మళ్లీ తెస్తారా..? వ్యవసాయ మంత్రి కీలక వ్యాఖ్యలు

అన్నదాతల సుదీర్ఘ ఉద్యమానికి దిగొచ్చి నూతన సాగు చట్టాలను రద్దు చేసిన కేంద్ర ప్రభుత్వం.. వాటిని మళ్లీ తీసుకురానుందా? కేంద్ర వ్యవసాయశాఖ మంత్రి నరేంద్ర

Updated : 25 Dec 2021 16:57 IST

నాగ్‌పుర్‌: అన్నదాతల సుదీర్ఘ ఉద్యమానికి దిగొచ్చి నూతన సాగు చట్టాలను రద్దు చేసిన కేంద్ర ప్రభుత్వం.. వాటిని మళ్లీ తీసుకురానుందా? కేంద్ర వ్యవసాయశాఖ మంత్రి నరేంద్ర సింగ్‌ తోమర్‌ చేసిన వ్యాఖ్యలతో అవుననే అనిపిస్తోంది. మహారాష్ట్రలో జరిగిన ఓ కార్యక్రమానికి హాజరైన తోమర్‌.. మూడు సాగు చట్టాలపై కీలక వ్యాఖ్యలు చేశారు. 

నాగ్‌పుర్‌లో శుక్రవారం జరిగిన అగ్రో విజన్‌ ఎక్స్‌పో కార్యక్రమంలో నరేంద్ర సింగ్‌ తోమర్‌ పాల్గొన్నారు. ఈ సందర్భంగా ఆయన మాట్లాడుతూ.. ‘‘స్వాతంత్ర్యం వచ్చిన 70ఏళ్ల తర్వాత ప్రధానమంత్రి నరేంద్రమోదీ నాయకత్వంలో అతిపెద్ద సంస్కరణ జరిగింది. వ్యవసాయానికి సంబంధించిన చట్టాలను సవరించి కొత్త చట్టాలను తీసుకొచ్చాం. కానీ కొందరికి(విపక్షాలను ఉద్దేశిస్తూ) ఈ సంస్కరణలు నచ్చలేదు. అందుకే నల్ల చట్టాలుగా ప్రచారం చేసి వాటిని రద్దు చేయించారు. కానీ ప్రభుత్వం ఏం అసంతృప్తి చెందడం లేదు. మేం ఒక అడుగు వెనక్కి వేశాం. కానీ తప్పకుండా మళ్లీ ముందడుగు వేస్తాం. ఎందుకంటే రైతులే ఈ దేశానికి వెన్నెముక’’ అని అన్నారు. సాగు చట్టాలను మళ్లీ తీసుకొచ్చే అవకాశాలున్నాయని ఆయన సూచనప్రాయంగా వెల్లడించడం గమనార్హం. 

నూతన సాగు చట్టాలను వ్యతిరేకిస్తూ దేశ రాజధాని సరిహద్దుల్లో రైతులు దాదాపు ఏడాదికి పైగా ఆందోళనలు చేపట్టిన విషయం తెలిసిందే. దీంతో దిగొచ్చిన కేంద్ర ప్రభుత్వం చట్టాలపై వెనక్కి తగ్గింది. మూడు సాగు చట్టాలను రద్దు చేస్తున్నట్లు స్వయంగా ప్రధాని మోదీ ప్రకటించారు. ఆ తర్వాత ఇటీవల జరిగిన పార్లమెంట్ శీతాకాల సమావేశాల్లో రద్దుకు సంబంధించి బిల్లును తీసుకురాగా.. ఉభయసభలు ఆమోదించాయి.


Read latest India News and Telugu News

Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని