Published : 17 May 2021 23:57 IST

Oxygen:రాజస్థాన్‌కు డబ్ల్యూహెచ్‌వో విరాళం

జైపూర్‌: కరోనా సెకండ్‌ వేవ్‌తో వణుకుతున్న భారత్‌కు పలు అంతర్జాతీయ సంస్థలు తమ వంతు సహకారం అందిస్తున్నాయి. తాజాగా ప్రపంచ ఆరోగ్య సంస్థ (డబ్ల్యూహెచ్‌వో) జైపూర్‌ యూనిట్‌ రాజస్థాన్‌ ప్రభుత్వానికి తన వంతు సాయంగా 100 ఆక్సిజన్‌ కాన్సంట్రేటర్లను విరాళంగా అందజేసింది. వీటిని రాష్ట్ర ఆరోగ్యశాఖ మంత్రి రఘుశర్మకు అందజేసింది. కరోనాపై పోరాటంలో తమ ప్రభుత్వానికి సహకారమందించిన డబ్ల్యూహెచ్‌వోకు మంత్రి కృతజ్ఞతలు తెలిపారు. ఈ సందర్భంగా ఆయన మాట్లాడుతూ.. 
రాష్ట్రంలో ఆక్సిజన్‌ కొరతను అధిగమించేందుకు అన్ని ప్రయత్నాలూ చేస్తున్నామని తెలిపారు. కార్పొరేట్‌ సామాజిక బాధ్యత (సీఎస్‌ఆర్‌) కింద రాష్ట్ర ప్రభుత్వానికి అందుతున్న ఆక్సిజన్‌ కాన్సంట్రేటర్లు కొవిడ్‌పై పోరాటంలో ఎంతగానో ఉపయోగపడుతును్నాయని చెప్పారు. 

ఈ సందర్భంగా డబ్ల్యూహెచ్‌వో ప్రతినిధి రాకేశ్‌ శ్రీవాస్తవ మాట్లాడుతూ.. తాము అందజేసిన ఆక్సిజన్‌ కాన్సంట్రేటర్లు జర్మనీ తయారు చేసినవని.. వీటి విలువ రూ.15కోట్లు అని తెలిపారు. ఈ కాన్సంట్రేటర్లు నిమిషానికి 8 లీటర్ల ఆక్సిజన్‌ను ఉత్పత్తి చేసే సామర్థ్యంతో పనిచేస్తాయన్నారు. అవసరాన్ని బట్టి నిమిషానికి 10లీటర్లు కూడా ఉత్పత్తి చేయవచ్చని వివరించారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని