Bank Robbery: దొంగపై మహిళా మేనేజర్‌ ఎదురుదాడి

జైపుర్‌: రాజస్థాన్‌ శ్రీగంగానగర్‌లోని రాజస్థాన్‌ మరుధర గ్రామీణ బ్యాంకులో చోరీకి వచ్చి దొరికిపోయాడు ఓ దొంగ. శనివారం పదునైన ఆయుధంతో లోపలకు ప్రవేశించిన దొంగను బ్యాంకు సిబ్బంది చాకచక్యంగా పట్టుకుని పోలీసులకు అప్పగించారు. కత్తి పట్టుకుని డబ్బులు ఇవ్వాలంటూ బెదిరింపులకు దిగిన దొంగను.. మహిళా మేనేజర్‌ పూనమ్‌ గుప్తా అడ్డుకున్నారు. కటింగ్‌ప్లైయర్‌ పట్టుకుని ఎదురుదాడికి దిగారు. దీంతో పరుగు అందుకున్న దొంగను ఇతర సిబ్బంది పట్టుకున్నారు. ఇందుకు సంబంధించిన దృశ్యాలన్నీ బ్యాంకు సీసీటీవీ కెమెరాలో నమోదయ్యాయి. దొంగను ద్వాడా కాలనీకి చెందిన 29 ఏళ్ల లావిశ్‌గా పోలీసులు గుర్తించారు.