Updated : 01 Nov 2020 14:58 IST

కారే.. విమానంగా మారే!

ఇంటర్నెట్‌ డెస్క్: కారు విమానంగా మారి గాల్లో ఎగరడాన్ని మనం అనేక సినిమాల్లో చూశాం. ఫ్లయింగ్‌ కార్లు ఓ అత్యాధునిక ఊహగా భావిస్తాం. అయితే దీనిని నిజం చేయటానికి స్లోవేకియాకు చెందిన ఓ సంస్థ ముప్ఫై ఏళ్ల పాటు కృషి చేసింది. ఎట్టకేలకు ఎగిరే కారును తయారు చేసినట్టు క్లెయిన్‌ విజన్‌ అనే ఈ సంస్థ ప్రకటించింది. తమ ‘ఎయిర్‌కార్‌’ ప్రయోగ పరీక్షలను విజయవంతంగా పూర్తి చేసుకుందని ఈ పరిశోధనా సంస్థ వెల్లడించింది.

క్లెయిన్‌ విజన్‌ తెలిపిన వివరాల ప్రకారం.. ఎయిర్‌కార్‌ పేరులో ఉన్న విధంగానే నేలపై, ఆకాశంలో కూడా ప్రయాణించగలదు. 1100 కిలోల బరువు ఉండే ఈ సూపర్‌ కార్‌, 200 కిలోల బరువు మోయగలదు. కేవలం మూడు నిముషాల వ్యవధిలోనే కారు విమానంగా మారే క్రమానికి సంబంధించిన వీడియోలు సామాజిక మాధ్యమాల్లో సంచలనం సృష్టిస్తున్నాయి. వీటిని చూసిన వారు ‘‘ఎట్టకేలకు ఎగిరే కారు అనే ఆలోచన కళ్ల ముందుకొచ్చింది.. చాలా ఆకట్టుకుంటోంది.. ప్రొఫెసర్‌ క్లెయిన్‌ అండ్‌ టీమ్‌కు అభినందనలు.. వీలైనంత త్వరలో నాకూ ఒకటి కావాలి..’’ అంటూ ఉత్సాహంగా వ్యాఖ్యానిస్తున్నారు. మరి ఆ అద్భుతాన్ని మీరూ చూసేయండి మరి!


Read latest Latest News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts