Published : 30 Oct 2020 21:10 IST

యాపిల్‌ బాటలోనే శాంసంగ్‌..?

ఇంటర్నెట్‌ డెస్క్‌: సాధారణంగా కొత్త ఐఫోన్‌ రిలీజ్‌ అయితే దాని ఫీచర్లు, ధర గురించి పెద్ద ఎత్తున చర్చ జరగడం సాధారణం. కానీ, ఈ సారి ఐఫోన్‌12 విడుదల సందర్భంగా బాక్స్‌లో ఛార్జర్‌, ఇయర్‌ఫోన్స్‌ తొలగించడం చర్చనీయాంశమైంది. దీనిపై యాపిల్‌పై దుమ్మెత్తి పోయనివారు లేరు. ప్రముఖ ఎలక్ట్రానిక్‌ ఉత్పత్తుల సంస్థ శాంసంగ్‌ సైతం తన సోషల్‌ మీడియా ఖాతాలో యాపిల్‌ను ట్రోల్‌ చేస్తూ పోస్టులు పెట్టింది. ఇప్పుడు శాంసంగ్‌ సైతం అదే పనిచేయబోతోందని వార్తలు వస్తున్నాయి.

శాంసంగ్‌ తీసుకురాబోయే ఫ్లాగ్‌షిప్‌ ఫోన్‌ గెలాక్సీ ఎస్‌21ను ఛార్జర్‌, ఇయర్‌ ఫోన్స్‌ లేకుండానే తీసుకురావాలని యోచిస్తోందట. కొన్ని దక్షిణ కొరియా మీడియా సంస్థలు ఇప్పటికే ఈ విషయమై వార్తలు రాశాయి. గతంలోనూ యాపిల్‌ను పలు సందర్భాల్లో శాంసంగ్‌ విమర్శించింది. నాచ్‌ డిస్‌ప్లేను తీసుకొచ్చినప్పుడు.. 3.5ఎంఎం ఆడియో జాక్‌ను తొలగించినప్పుడు ట్రోల్‌ చేసింది. కొద్దిరోజులకు తాను కూడా అదే బాటలో పయనించింది. పర్యావరణ హితం కోసమే ఛార్జర్‌, ఇయర్‌ఫోన్స్‌ను తాము తొలగించామని ఐఫోన్‌ 12 విషయంలో యాపిల్‌ చెప్పుకొచ్చింది. మరి శాంసంగ్‌ ఏ సాకు చెబుతుందో చూడాలి మరి!

Read latest Latest News and Telugu News

Follow us on Facebook, Twitter, Instagram, Koo, ShareChat, and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని