Updated : 29 Jan 2022 13:56 IST

IPL 2022: ఐపీఎల్‌ వేలంలో డేవిడ్ వార్నర్‌ కోసం పోటీ ఉంటుంది.. కానీ..!

ఇంటర్నెట్‌డెస్క్‌: రాబోయే ఐపీఎల్ మెగా వేలంలో సన్‌రైజర్స్‌ హైదరాబాద్ మాజీ సారథి డేవిడ్‌ వార్నర్‌ కోసం పోటీ ఉంటుందని మాజీ క్రికెటర్‌, క్రికెట్‌ వ్యాఖ్యాత ఆకాశ్‌ చోప్రా  అన్నారు. అయితే.. సారథిగా ఏ జట్టూ అతడిని తీసుకోదని అభిప్రాయపడ్డాడు. వార్నర్‌ గతేడాది ఐపీఎల్‌లో పేలవ ప్రదర్శన చేయగా.. సన్‌రైజర్స్‌ యాజమాన్యం తొలుత కెప్టెన్సీ నుంచి.. ఆపై తుది జట్టు నుంచి కూడా పక్కకుపెట్టి ఘోరంగా అవమానించింది. ఈ క్రమంలోనే 2022 సీజన్‌కు సంబంధించిన రిటెన్షన్‌ ఆటగాళ్ల జాబితాలోనూ వార్నర్‌ పేరును ప్రస్తావించలేదు. దీంతో అతడు వేలంలో పాల్గొంటాడని స్పష్టంగా తెలుస్తోంది.

అయితే, ఈ ఆస్ట్రేలియన్‌ ఓపెనర్‌ను కెప్టెన్‌గా తీసుకోడానికి పలు ఫ్రాంఛైజీలు ఆసక్తిగా ఉన్నాయనే భావన క్రికెట్‌ వర్గాల్లో నెలకొంది. ఈ నేపథ్యంలోనే తాజాగా తన యూట్యూబ్‌ ఛానల్‌లో మాట్లాడిన చోప్రా ‘వార్నర్‌ను కెప్టెన్‌గా తీసుకోడానికి పలు ఫ్రాంఛైజీలు ఆలోచిస్తూ ఉండొచ్చు. కానీ.. నా అభిప్రాయం ప్రకారం ఎవరూ అతడిని సారథిగా ఎంపిక చేసుకోరు. ఇప్పటికే మూడు జట్లు కొత్త సారథిని నియమించుకోవాలని చూస్తున్నా.. అతడిని మాత్రం పరిగణనలోకి తీసుకోరు. అతడు ఈసారి కొత్త జట్టుకు వెళ్లడం ఖాయమే. భారీ ధర కూడా పలుకుతాడు. కానీ, కెప్టెన్సీ పరంగా అవకాశం లేదు. ఎందుకంటే ఐపీఎల్‌ ఒక కుటుంబం లాంటిది. గతేడాది ఏం జరిగిందో అందరికీ తెలిసిందే. అక్కడ ఆటగాళ్లు, ఫ్రాంఛైజీల మధ్య ఎలాంటి సమస్యలు ఉన్నాయనే విషయంలోనూ అవగాహన ఉంటుంది’ అని తన అభిప్రాయాలు వెల్లడించాడు.

కాగా, వార్నర్‌ గతేడాది ఐపీఎల్‌లో మొత్తం 8 మ్యాచ్‌లు ఆడగా 195 పరుగులే చేశాడు. అందులోనూ దుబాయ్‌లో జరిగిన రెండో దశ సీజన్‌లో పెద్దగా ఆడే అవకాశం రాలేదు. ఈ క్రమంలోనే గత ఆరు సీజన్లలో గతేడాదే వార్నర్‌ 500 కన్నా తక్కువ పరుగులు చేశాడు. ఇక ఆ టోర్నీ తర్వాత జరిగిన టీ20 ప్రపంచకప్‌లో ఆసీస్‌ కప్పు సాధించడంలో కీలక పాత్ర పోషించాడు. అనంతరం ఇటీవల ముగిసిన యాషెస్ సిరీస్‌లోనూ ఆ జట్టు తరఫున అత్యధిక పరుగులు చేసిన రెండో ఆటగాడిగా నిలిచాడు. ఇలాంటి పరిస్థితుల్లో మెగా వేలంలో అతడు ఏ జట్టుకు ఎంపికవుతాడో చూడాలి. అయితే, ఈ ఆసీస్‌ బ్యాట్స్‌మన్‌ వచ్చే సీజన్‌లో రాయల్‌ ఛాలెంజర్స్‌ బెంగళూరుకు కెప్టెన్‌గా నియమితుడయ్యే అవకాశం ఉందని అభిమానులు ఆశిస్తున్నారు.

Read latest Latest News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని