Rowdy Boys: చిన్న సినిమాకు అనుపమ..అంత పారితోషికంతీసుకుందా?

ఇంటర్నెట్‌ డెస్క్‌: ఈ సంక్రాంతికి ‘రౌడీ బాయ్స్‌’తో పలకరించింది నటి అనుపమ పరమేశ్వరన్‌. నిర్మాత శిరీష్ త‌న‌యుడు ఆశిష్ రెడ్డి హీరోగా నటించిన ఈ చిత్రం.. కాలేజ్ డ్రామా నేపథ్యంలో తెరకెక్కింది. శ్రీ హర్షా కొనుగంటి దర్శకత్వం వహించారు. ఈ చిత్రంలో అనుపమ నటించేందుకు తన రెమున్యరేషన్‌ని భారీగా పెంచేసిందనే టాక్‌ వినిపిస్తోంది. సాధారణంగా ప్రతీ సినిమాకి రూ.30లక్షలు తీసుకునే ఈ కేరళ భామ.. ఈ చిన్న చిత్రానికి రూ.50లక్షల పారితోషికాన్ని తీసుకుందట. లిప్‌లాక్‌ సీన్స్‌ ఉండటంతో అనుపమ అంత వసూలు చేసిందనే టాక్‌ సోషల్‌ మీడియాలో వినిపిస్తోంది.

ఈ చిత్రానికి దిల్‌ రాజు- శిరిష్‌ నిర్మాతలుగా వ్యవహరించారు. దేవీశ్రీ ప్రసాద్‌ స్వరాలందించారు. విక్ర‌మ్ సహిదేవ్‌, కార్తిక్ ర‌త్నం, తేజ్ కూర‌పాటి, కోమ‌లీ ప్ర‌సాద్‌, శ్రీకాంత్ అయ్యంగార్‌, జ‌య‌ప్ర‌కాష్ త‌దిత‌రులు కీలక పాత్రలు పోషించారు.