Updated : 23/05/2021 08:23 IST

Oxygen: తక్కువ ఖర్చుతో ఆక్సిజన్‌ ప్లాంట్‌

ఎక్కడి నుంచైనా పనిచేయించే వీలు

దేహ్రాదూన్‌: తక్కువ ఖర్చుతో వైద్యపరమైన ఆక్సిజన్‌ను ఉత్పత్తి చేసే ప్లాంటును దేహ్రాదూన్‌లోని భారతీయ పెట్రోలియం సంస్థ రూపొందించింది. ‘శాస్త్రీయ, పారిశ్రామిక పరిశోధన మండలి’ (సీఎస్‌ఐఆర్‌) మార్గనిర్దేశంలో దీనిని సాధించింది. కృత్రిమ మేధస్సును ఉపయోగించుకుని ఎక్కడి నుంచైనా దీనిని పని చేయించుకునే వీలుంటుంది. ప్రస్తుతం వినియోగంలో ఉన్న ప్రెషర్‌ స్వింగ్‌ అడ్జార్ప్‌షన్‌ (పీఎస్‌ఏ)లో మార్పులు చేసి ఈ సాంకేతికతను అభివృద్ధి చేశారు. ఇది రోజుకు 0.2 టన్నుల వైద్యపరమైన ఆక్సిజన్‌ను ఉత్పత్తి చేయగలుగుతుంది. సాధారణ ప్లాంట్ల కంటే 10% తక్కువ విద్యుత్తును ఇది ఉపయోగించుకుంటుంది. ఆక్సిజన్‌ శుద్ధత 96% ఉంటుంది. నిర్వహణ వ్యయం సగానికి సగం తగ్గిపోతుంది. సిలిండర్లను అటూఇటూ తరలించడానికి సిబ్బంది అవసరం ఉండదు. రోజుకు ఒక టన్ను ఆక్సిజన్‌ను ఉత్పత్తి చేయగల ప్లాంటు రూ.60-70 లక్షల ఖర్చుతో అందుబాటులోకి వస్తుందని, మొదటి 120 ప్లాంట్లను జులై మాసాంతానికి సిద్ధం చేస్తామని అధికార వర్గాలు తెలిపాయి. పీఎంకేర్స్‌ నుంచి డీఆర్‌డీవోకు అందే నిధులతో ఇవి రూపొందుతాయి. ఇలా తయారైన మొదటి ప్లాంటును పుణెలో విజయవంతంగా పరిశీలించి చూశారు.

Read latest Latest News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని