Updated : 29 May 2022 11:09 IST

బావిలో శవాలుగా.. ఇద్దరు పిల్లలు, ముగ్గురు అక్కాచెల్లెళ్లు

 మహిళల్లో ఇద్దరు గర్భిణులు 

 అందరూ ఒకే ఇంటి కోడళ్లు

రాజస్థాన్‌లోని జైపుర్‌లో ఘటన

జైపుర్‌: రాజస్థాన్‌లోని జైపుర్‌ సమీప దూదూ ప్రాంత బావిలో శనివారం తేలిన ముగ్గురు అక్కాచెల్లెళ్లు, ఇద్దరు చిన్నారుల మృతదేహాలు కలకలం రేపుతున్నాయి. ఘటనాస్థలికి చేరుకున్న పోలీసులు ఇవి హత్యలా.. ఆత్మహత్యలా అన్నది విచారిస్తున్నారు. చనిపోయిన చిన్నారుల్లో నాలుగేళ్ల బాలుడు హర్షిత్, 20 రోజుల శిశువు ఉన్నట్టు వెల్లడించారు. తోబుట్టువులైన మృతులను కాళీ దేవి (27), మమతా మీనా (23), కమ్లేశ్‌ మీనా (20)గా గుర్తించారు. వీరిలో మమతా మీనా, కమ్లేశ్‌ మీనా నిండు గర్భిణులు. వీరి బంధువు హేమరాజ్‌ మీనా చెప్పిన వివరాల ప్రకారం.. ముగ్గురు అక్కాచెల్లెళ్లకు ఒకే కుటుంబానికి చెందిన వ్యక్తులతో పెళ్లిళ్లు జరిగాయి. ముగ్గురికీ పదేళ్ల వయసులోపే పెళ్లిళ్లు కావడం గమనార్హం. జీవితంలో పైకి ఎదగాలన్న లక్ష్యమున్న అక్కాచెల్లెళ్లు ముగ్గురూ ఇంటి నుంచే చదువులు కొనసాగించేవారు. మమత పోలీస్‌ కానిస్టేబుల్‌ పరీక్షలకు ఎంపిక కాగా, కాళీదేవి బీఏ చివరి సంవత్సరం చదువుతోంది. కమ్లేశ్‌ ఇటీవలే కేంద్రీయ విశ్వవిద్యాలయంలో పేరు నమోదు చేయించుకొంది. వీరికి అత్తింట తీవ్రమైన వేధింపులు ఉండేవి. పెద్దగా చదువుకోని భర్తలు రోజూ తాగి వచ్చి హింసించేవారు. పది రోజుల క్రితం దారుణంగా కొట్టి ఇంట్లో నుంచి బయటకు గెంటేశారు. దీంతో అక్కాచెల్లెళ్లు ముగ్గురూ పుట్టింటికి వచ్చేశారు. ఈ ఒత్తిడితోనే మహిళలు తమ పిల్లలతో కలిసి ఆత్మహత్య చేసుకున్నట్లు భావిస్తున్నారు. పలుచోట్ల వెదికిన కుటుంబసభ్యులు పోలీసులకు ఫిర్యాదు చేశారు.  కట్నం కోసం తమను వేధించారని మృతురాళ్ల సోదరుడు మహిళల అత్తింటి వారిపై ఫిర్యాదు చేశారు. వీరి భర్తలు నర్సి, గోర్యో, ముకేశ్‌లను పోలీసులు అరెస్టు చేసి విచారిస్తున్నారు.  

Read latest Latest News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

ap-districts
ts-districts

ఎక్కువ మంది చదివినవి (Most Read)

మరిన్ని