T20 World Cup: ఒమన్‌ జట్టులో కవాడిగూడ క్రికెటర్‌

కవాడిగూడ, న్యూస్‌టుడే: హైదరాబాద్‌ కవాడిగూడకు చెందిన శ్రీమంతుల సందీప్‌ గౌడ్‌ ఆదివారం ఆరంభమయ్యే టీ20 ప్రపంచకప్‌లో ఒమన్‌ జట్టుకు ప్రాతినిధ్యం వహించనున్నాడు. 29 ఏళ్ల సందీప్‌.. 2005-08 మధ్య హైదరాబాద్‌ అండర్‌-15, 19 జట్లకు ప్రాతినిధ్యం వహించాడు. 2016లో ఉద్యోగం కోసం ఒమన్‌కు వెళ్లి అక్కడే స్థిరపడ్డ సందీప్‌.. అక్కడ దేశవాళీ మ్యాచ్‌ల్లో సత్తా చాటి, జాతీయ జట్టుకు ఆడే అవకాశం అందుకున్నాడు. ఆదివారం ఒమన్‌.. పపువా న్యూ గినియాతో తొలి మ్యాచ్‌ ఆడనుంది.