Vijay Deverakonda: ఆమిర్‌ఖాన్‌తో విజయ్‌ దేవరకొండ.. అందుకే కలిశారు!

ఇంటర్నెట్‌ డెస్క్‌: ఇద్దరు స్టార్‌ హీరోలు ఒకేచోట కనిపిస్తే చాలు సినీ అభిమానులు ఖుషీ అవుతారు. వీళ్లెందుకు కలిశారో తెలుసుకునే ప్రయత్నం చేస్తుంటారు. ఇప్పుడు ఆమిర్‌ఖాన్‌- విజయ్‌ దేవరకొండ కలిసి దిగిన ఫొటో ఇలాంటి ఆసక్తినే పెంచుతోంది. నెట్టింట వేల సంఖ్యలో లైక్స్‌ పొంది వైరల్‌గా మారింది. ఈ ఇద్దరు ఇలా కలిసేందుకు కారణం బాలీవుడ్ ప్రముఖ దర్శకనిర్మాత కరణ్‌ జోహర్‌. ఈయన తన పుట్టినరోజు సందర్భంగా హిందీ తారలతోపాటు టాలీవుడ్‌ నుంచి విజయ్‌ దేవరకొండ, దర్శకుడు పూరీ జగన్నాథ్‌, ఛార్మిను ఆహ్వానించారు. ఈ సెలబ్రేషన్స్‌లో చోటు చేసుకున్న దృశ్యమే ఇది. బుధవారం రాత్రి జరిగిన ఈ వేడుకకు సంబంధించిన ఒక్కో ఫొటోను సోషల్‌ మీడియా వేదికగా ఛార్మి షేర్‌ చేస్తోంది. ప్రస్తుతానికి ఆమిర్‌, రణ్‌బీర్‌ కపూర్‌, రవీనా టాండన్‌, సోనాలి బింద్రేతో దిగిన స్టిల్‌ను పోస్ట్‌ చేసింది. సల్మాన్‌ఖాన్‌, షారుఖ్‌ఖాన్‌, అభిషేక్‌ బచ్చన్‌- ఐశ్వర్యరాయ్, మలైకా అరోరా, కత్రినా కైఫ్‌- విక్కీ కౌశల్‌, సైఫ్‌ అలీఖాన్‌- కరీనాకపూర్‌, రణ్‌వీర్‌సింగ్‌, హృతిక్‌రోషన్‌, అనన్య పాండే, సారా అలీఖాన్‌, జాన్వీకపూర్‌, టైగర్ ష్రాఫ్‌ తదితరులు కరణ్‌ బర్త్‌డే పార్టీలో పాల్గొన్నారు. పూరీ జగన్నాథ్‌ దర్శకత్వంలో విజయ్‌ హీరోగా రూపొందుతున్న ‘లైగర్‌’ చిత్రానికి కరణ్‌ జోహార్‌ సహ నిర్మాతగా వ్యవహరిస్తున్న సంగతి తెలిసిందే.

► Read latest Latest News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.