Updated : 09/12/2021 14:59 IST

వధూవరులు దండలు మార్చుకుంటుండగా.. వధువు నుదుట సింధూరం దిద్దిన మాజీ ప్రియుడు

ఇంటర్నెట్‌ డెస్క్‌: వివాహ వేదికపై వధూవరులు కూర్చొని ఉన్నారు. బంధువుల హడావుడి కొనసాగుతూ ఉంది. వధూవరులు ఒక్కటయ్యే ముహూర్తం రానే వచ్చింది. దండలు మార్చుకునేందుకు వారు సిద్ధమయ్యారు. అప్పుడే దూరం నుంచి వధువు ప్రియుడి గొంతు వినిపించింది.. ఆపండి అని.. అనేక సినిమాల్లో ఈ తరహా దృశ్యాలను మనం చూసే ఉంటాం. అయితే ఉత్తరప్రదేశ్‌లో జరిగిన ఓ పెళ్లిలో ఇలాంటి ఘటనే చోటుచేసుకుంది. కానీ ఆ మాజీ ప్రియుడు ఆపండి అని అరవలేదు. నేరుగా వెళ్లి వధువు నుదుట సింధూరం దిద్దాడు. దీంతో అక్కడ ఉన్నవారంతా షాక్‌కు గురయ్యారు. ఇందుకు సంబంధించిన ఓ వీడియో నెట్టింట వైరల్‌గా మారింది.

యూపీలోని గోరఖ్‌పుర్‌లో జరిగిన ఓ వివాహ వేడుకలో ఈ ఘటన చోటుచేసుకుంది. వేదికపై చుట్టూ జనం చూస్తుండగా.. దండలు మార్చుకునేందుకు వధూవరులు సిద్ధయ్యారు. కొన్ని సెకన్లయితే దండలు మార్చుకుని వారి పెళ్లి జరిగిపోయేదే. కానీ వధువు మాజీ ప్రియుడు వేదికపై ఒక్కసారిగా ప్రత్యక్షమయ్యాడు. వరుడు సహా అందరూ చూస్తుండగానే.. జేబులోంచి కుంకుమ తీసి ఆమె నొసటన దిద్దాడు. ఊహించని ఈ పరిణామంతో అక్కడున్నవారంతా షాక్‌కు గురయ్యారు. ఈ షాక్‌ నుంచి తేరుకొని అతడిని దొరకబుచ్చుకునే ప్రయత్నం చేసినప్పటికీ అతడు పారిపోయాడు. ఇందుకు సంబంధించిన ఓ వీడియో సామాజిక మాధ్యమాల్లో వైరలవుతోంది. అయితే అర్ధాంతరంగా ఆగిపోయిన ఈ వివాహం.. మరుసటిరోజు ఉదయం జరిగినట్లు సమాచారం.

 

Read latest Viral Videos and Telugu News

 



Read latest Latest News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని