Katrina Kaif: బాయ్‌ఫ్రెండ్‌ని పొగడ్తలతో ముంచెత్తిన కత్రినా

ఇంటర్నెట్‌ డెస్క్: కత్రినాకైఫ్‌- విక్కీకౌశల్‌ ప్రేమలో ఉన్నారనే గుసగుసలు ఎప్పటి నుంచో వినిపిస్తూనే ఉన్నాయి. తాజాగా విక్కీ కౌశల్‌ నటించిన  ‘సర్దార్‌ ఉద్దమ్‌’ అమెజాన్‌ ఓటీటీ వేదికగా విడుదలైంది. ప్రేక్షకులతో పాటు విమర్శకుల నుంచి మంచి టాక్‌ని సొంతం చేసుకుంది. ఈ సందర్భంగా బాయ్‌ఫ్రెండ్‌ విక్కీకౌశల్‌ని కత్రినా ప్రశంసలతో ముంచెత్తింది. ఇన్‌స్టాగ్రామ్‌ వేదికగా పంచుకున్న స్టోరీలో ‘‘విక్కీ.. నువ్వు నమ్మకమైన వ్యక్తివి, ఒక స్టార్‌, స్వచ్ఛమైన ప్రతిభ నీలో ఉంది’’ అని చెప్పింది. ఆ చిత్ర దర్శకుడు సూజిత్‌ సిర్కార్‌ని ఉద్దేశిస్తూ..‘‘నీలో మంచి విజన్‌ ఉంది. అందుకే ఇంత అందమైన, ఆసక్తికరమైన చిత్రాన్ని తీయగలిగావ్‌’’ అని అభినందించింది. 

‘సర్దార్‌ ఉద్దమ్‌’ కథ విషయానికొస్తే.. స్వాత్రంత్ర్య సమరయోధుడి జీవిత ఆధారంగా ఈ చిత్రం రూపొందింది. 1919 జలియన్‌ వాలాబాగ్‌ ఉదంతం నేపథ్యంలో ఈ సినిమా సాగుతుంది. జలియన్‌ వాలాబాగ్‌లో సమావేశమైన స్వాతంత్ర్య సమరయోధులపై బ్రిటిష్ అధికారి, జనరల్ డయ్యర్‌ తన సైన్యంతో వచ్చి, తుపాకీ గుళ్ల వర్షం కురిపించాడు. ఈ ఘటనలో మొత్తం వెయ్యికు పైగా భారతీయులు మృత్యువాతపడ్డారు. భారతదేశ చరిత్రలో అదొక చీకటిదినంగా చరిత్రకారులు అభివర్ణిస్తారు. వందల మంది మృతికి కారణమైన జనరల్‌ డయ్యర్‌ను ఉద్దమ్‌ సింగ్‌ కాల్చి చంపాడు. అనంతరం ఉరిశిక్ష అనుభవించాడు. ఇప్పుడు ఈ కథతోనే విక్కీ-సూజిత్‌ సిర్కార్‌లు ‘సర్దార్‌ ఉద్దమ్‌’ తెరకెక్కించారు.