Valimai: ఓటీటీలో ‘వలిమై’రికార్డు

ఇంటర్నెట్‌డెస్క్‌: అజిత్‌ కథానాయకుడిగా నటించిన యాక్షన్‌ థ్రిల్లర్‌ ‘వలిమై’ఓటీటీలో రికార్డులు సృష్టిస్తోంది. గత నెల 24న ప్రేక్షకుల ముందుకు వచ్చిన ఈ సినిమా బాక్సాఫీస్‌ వద్ద మిశ్రమ స్పందన లభించింది. అయితే అజిత్‌, కార్తికేయ బైక్‌ స్టంట్స్‌ యాక్షన్‌ ప్రియులను అలరించాయి. ఈ నేపథ్యంలో ఈనెల 25న ప్రముఖ ఓటీటీ జీ5 వేదికగా అందుబాటులోకి వచ్చింది. స్ట్రీమింగ్‌ మొదలైన 24 గంటల్లోనే 100 మిలియన్‌ స్ట్రీమింగ్‌ నిమిషాలతో ‘వలిమై’రికార్డు సృష్టించింది.  హెచ్‌.వినోద్‌ దర్శకత్వం వహించిన ఈ సినిమాలో అజిత్‌ పోలీస్‌ ఆఫీసర్‌గా నటించారు. కార్తికేయ ప్రతినాయకుడి పాత్ర పోషించారు.