18 Pages: నిఖిల్‌- అనుపమ లవ్‌స్టోరీ.. ఆకట్టుకునేలా గ్లింప్స్‌

ఇంటర్నెట్‌ డెస్క్‌: నిఖిల్‌, అనుపమ పరమేశ్వరన్‌ జంటగా నటిస్తున్న చిత్రం ‘18 పేజెస్‌’. సూర్య ప్రతాప్‌ దర్శకత్వం వహిస్తున్న ఈ సినిమా గ్లింప్స్‌ బుధవారం విడుదలైంది. ‘‘నాకో అమ్మాయి ఎప్పుడూ ఓ విషయం చెప్తుండేది. ప్రేమించడానికి రీజన్‌ ఉండకూడదు. ఎందుకు ప్రేమించామంటే ఆన్సర్‌ ఉండకూడదు’’ అని నిఖిల్‌ చెప్పిన డైలాగ్‌తో వీడియో ప్రారంభమైంది. హృదయాన్ని హత్తుకునే మెలొడీతో ఆద్యంతం ఆకట్టుకునేలా ఉంది. ఈ వీడియోలో.. అనుపమ ప్రతి విషయాన్ని ఓ పుస్తకంలో రాసుకుంటూ కనిపించగా.. నిఖిల్‌ దాన్ని చదువుతూ కనిపించాడు. మరి ఈ ఇద్దరిని కలిపిన పుస్తకంలోని ‘18 పేజెస్‌’లో ఏం ఉందో తెలియాలంటే సినిమా చూడాల్సిందే. ప్రముఖ దర్శకుడు కథ అందించిన ఈ సినిమాను పల్నాటి సూర్య ప్రతాప్‌ తెరకెక్కిస్తున్నారు. గీతా ఆర్ట్స్‌ 2, సుకుమార్‌ రైటింగ్‌ సంస్థలు సంయుక్తంగా నిర్మిస్తున్నాయి. గోపీ సుందర్‌ సంగీతం అందిస్తున్నారు. అన్ని కార్యక్రమాలు పూర్తిచేసుకొని ఈ చిత్రం వేసవిలో ప్రేక్షకుల ముందుకురానుంది.