muddamandaram: 40 ఏళ్ల ముద్ద మందారం
తెలుగు తెరపై చెదిరిపోని ప్రేమకావ్యం ‘ముద్దమందారం’ 40 ఏళ్లు పూర్తి చేసుకుంది
తెలుగు తెరపై చెదిరిపోని ప్రేమకావ్యం ‘ముద్దమందారం’. కమర్షియల్ చిత్రాలతో దూసుకుపోతున్న టాలీవుడ్కి సరికొత్త కథ, కథనాలతో ఒక ఒరవడిని సృష్టించారు దర్శకుడు జంధ్యాల. ‘అలివేణీ ఆణిముత్యమా’, ‘నీలాలు కారేనా’, ‘ముద్దుకే ముద్దొచ్చే మందారం’లాంటి పాటలు తెలుగు ప్రేక్షకులను ఊయలలూగించాయి. రమేశ్ నాయుడు సంగీతం, వేటూరి సాహిత్యం, ఎస్. గోపాల్ రెడ్డి సినిమాటోగ్రఫీ ‘ముద్దమందరా’న్ని ఎప్పటికీ వన్నె తగ్గని ప్రేమకథగా నిలిపాయి. ఆ చిత్రం విడుదలై 40 ఏళ్లైన సందర్భంగా హీరోహీరోయిన్లు ప్రదీప్, పూర్ణిమ ‘ఈనాడు’తో ముచ్చటించారు.
కమర్షియల్ చిత్రాల హవా నడుస్తున్న కాలంలో తెలుగు తెరపై ‘ముద్ద మందారం’ అందమైన ప్రేమను ఆవిష్కరించింది. పెద్దింటి అబ్బాయి, పేదింటి అమ్మాయి మధ్య ప్రణయం ఎలాంటి పరిణామాలకు దారి తీసింది? చివరకు వారి ప్రేమను పెద్దలెలా ఒప్పుకున్నారు? అనే కథాంశంతో తెరకెక్కిన ఈ సినిమాకు ప్రేక్షకులు నీరాజనాలు పట్టారు. పెళ్లి పీటలపై పసిపిల్లాడికి పాలిస్తూ వధువు తాళి కట్టించుకోవడం చూసి ప్రేక్షకలోకం ఆశ్చర్యపోయింది. 1981 సెప్టెంబర్ 11న విడుదలైంది. జంధ్యాల దర్శకత్వంలో ప్రదీప్, పూర్ణిమ జంటగా వచ్చిన ఈ చిత్రం ఘన విజయాన్ని అందుకొని మంచి ప్రేమకథగా నిలిచింది.
రచయిత నుంచి దర్శకుడిగా జంధ్యాల
‘అహ నా పెళ్లంట’ లాంటి ఆల్ టైమ్ కామెడీ క్లాసిక్ని అందించిన దర్శకుడు జంధ్యాల. ఇప్పటికీ తెలుగునాట హాస్యచిత్రాలంటే గుర్తొచ్చేది ఆయనే. తెలుగులో విజయవంతమైన రచయితగా దూసుకుపోతున్న ఆయన్ను దర్శకుడిగా మార్చిన సినిమా ‘ముద్దమందారం’. మాటల రచయితగా ‘శంకరాభరణం’, ‘వేటగాడు’, ‘అడవి రాముడు’ లాంటి ఎన్నో సూపర్ హిట్ చిత్రాలకు పనిచేశారాయన. అప్పటికే జంధ్యాల 300కు పైగా సినిమాలకు రచయితగా పనిచేశారు. ఒకే సంవత్సరం 83 సినిమాలకు రాసిన ఘనత ఆయనది. కమర్షియల్ చిత్రాల రచయితగా పేరొందిన జంధ్యాల మొదటి సినిమాతో ఇలాంటి ప్రయోగం చేయడం ఒక సాహసమే. ‘ముద్ద మందారం’తో దర్శకుడిగా ఆయన అరంగేట్రం చేస్తూనే ప్రదీప్, పూర్ణిమలను హీరోహీరోయిన్లగా వెండితెరకు పరిచయం చేశారు. కోటీశ్వరుడైన అబ్బాయి, పూలమ్ముకొనే అమ్మాయి మధ్య నడిచే ప్రేమకథను జంధ్యాల భావాత్మకంగా తెరకెక్కించిన తీరు ప్రేక్షకులను ముగ్ధుల్ని చేసింది. అంతేకాదు ఈ సినిమా చూసి ఓ జంట ఆత్మహత్యా ప్రయత్నాన్ని విరమించుకున్నామని లేఖ రాశారని ఆయనే ఓ ఇంటర్వ్యూలో చెప్పుకొచ్చారు. ఆనాటి తెలుగు యువతపై ఈ సినిమా ప్రభావమేంటో ఈ ఒక్క సంఘటన చాలు.
అర్ధరాత్రి పోస్టర్లు చూస్తూ ఆనందపడ్డా: ప్రదీప్, ముద్దమందారం కథానాయకుడు
‘‘తెలుగు సినీ పరిశ్రమలో ‘ముద్దమందారం’ అప్పట్లో ట్రెండ్ సెట్టర్గా నిలిచింది. మాలాంటి నూతన నటీనటులతో ఈ ప్రేమకావ్యాన్ని తీయడం మా అదృష్టం. ఆయన తలుచుకుంటే పెద్దవాళ్లతో సినిమా చేసేవారు. ‘ప్రేమకోసం జీవితం’ అనే నినాదం ఆనాటి ప్రేక్షకుల్లోకి బాగా వెళ్లింది. నా సమకాలికులంతా నన్ను ‘ముద్దమందారం’ హీరో అనే పిలుస్తుంటారు. ఈ సినిమా 80 నుంచి 90 కేంద్రాల్లో 100 రోజులు ఆడి ఘనవిజయాన్ని అందుకుంది. ‘అలివేణి ఆణిముత్యమా’, ‘నీలాలు కారేనా కాలాలు మారేనా’ పాటలు ఇప్పటి ప్రేక్షకులనూ అలరిస్తూనే ఉంటాయి. మా మేనమామ విజయరాం గారి స్నేహితుడు జంధ్యాల. ‘అడవిరాముడు’ సినిమా విడుదలప్పుడు ఆయన మా ఇంటికి వచ్చారు. నేను తనకు సినిమా డైలాగ్స్ చెప్పేవాడిని. నన్ను దగ్గరికి తీసుకొని ఓ రోజు నేను నీతో సినిమా చేస్తానన్నారు. ఏదో మాట వరసకు అన్నారనుకున్నా. డిసెంబర్లో రవీంద్రభారతిలో ‘చీకటి రాత్రి’ అనే నాటకం వేశా. ఆ నాటకాన్ని చూసి గ్రీన్ రూంలోకి వచ్చి నా సినిమాలో హీరోగా నటిస్తావా అన్నారు. అప్పటి వరకూ మట్టి ముద్దలా ఉన్న నన్ను ‘ముద్దమందారం’ ద్వారా అద్భుతమైన శిల్పంగా మలిచారు. ఈ సినిమాలో పూర్ణిమకు తాతగా నటించిన విన్నకోట రామన్నపంతులు నిజ జీవితంలో నాకు తాతయ్య. జంధ్యాల గారి గురువు. మా తాత, మా మేనమామ విజయరాంలతో కలిసి ఇందులో నటించడం అదృష్టం. ‘ముద్దమందారం’ విడుదలకు వారం ముందు రామకృష్ణ సినీ స్టూడియోలో ప్రివ్యూ వేశారు. మొదటిసారి తెరపై చూసుకున్నప్పుడు నన్ను నేను నమ్మలేకపోయాను. మల్కాజ్ గిరి, కోఠి, దిల్సుఖ్నగర్ లో నా పోస్టర్లను చూసి స్నేహితులు ఇంటికి వచ్చి చెప్పేవాళ్లు. అప్పటి వరకూ నాకు మోటరు సైకిల్, కారు లేదు. రాత్రి 11 గంటలకు నేనూ మా తమ్ముడు ఒక సైకిల్ మీద 40 కిలోమీటర్లు తిరిగాం. ప్రతి పోస్టర్, కటౌట్ దగ్గర నిల్చొని హీరో అయ్యానని తలుచుకొని ఆనందించేవాణ్ని. ఈ 40 ఏళ్లలో సినిమా, టీవీ రంగంలో 12 నందులు అందుకున్నా, ఎంతో డబ్బు సంపాదించినా ఆ రాత్రి ముద్ద మందారం పోస్టర్ల వద్ద గడిపిన క్షణాలే ఎంతో ఆనందాన్నిచ్చాయి. అందుకే ‘ముద్దమందారం’ నా జీవితంలో ఒక ముఖ్యమైన ఘట్టం. ఇంతగా ఎదిగానంటే గురువు జంధ్యాలగారే కారణం’’
నాన్న ఒప్పుకోలేదు: పూర్ణిమ, ముద్దమందారం కథానాయిక
‘‘హీరోయిన్గా ‘ముద్దమందారం’ నా మొదటి సినిమా. అప్పుడు నేను ఎనిమిదో తరగతి చదువుతున్నా. దుర్గ పాత్ర కోసం నేనైతే బాగుంటుందని దర్శకులు జంధ్యాల మా నాన్నను అడిగారు. ఆయన మొదట్లో ఒప్పుకోలేదు. మూడుసార్లు వచ్చి కథ వినిపించారు. జంధ్యాల గారు నా పాత్ర, సన్నివేశాలు చక్కగా వివరించడంతో మంచి భవిష్యత్ ఉంటుందని నమ్మాక అంగీకరించారు. అప్పటికి నటించడం అంటే ఏంటో తెలియదు. జంధ్యాల గారే ప్రతీది చేసి చూపించేవారు. ఆయన చెప్పినట్టు చేసేదాన్ని. ప్రదీప్ కూడా ఎంతగానో సహకరించారు. ఒక సీన్ చేస్తున్నప్పుడు సుమారు 15 టేకులు తీసుకున్నాను. అయితే చివరి ప్రయత్నంగా బాగా చేస్తాను. సెట్లో ఉన్నవాళ్లందరికి పాయసం చేసి పెట్టండని జంధ్యాలగారిని అడిగాను. అంతే అందరు గొల్లున నవ్వారు. అలాగే నా నవ్వు కూడా సినిమాలో భాగమైంది. సినిమా ఘన విజయం సాధించడంతో చాలా సంతోషం కలిగింది. క్లైమాక్స్లో పెళ్లి సీన్ చేసేటప్పుడు చాలా ఆశ్చర్యం కలిగింది. ఇలాంటి పెళ్లిళ్లు కూడా అవుతాయా అనిపించింది. ‘ముద్దమందారం’ తర్వాత సినిమాలు చేయాలనే ఆసక్తి పెరిగింది. ఈ సినిమా తర్వాత 100 సినిమాలు చేశాను. ‘నాలుగు స్తంభాలాట’, ‘శ్రీవారికి ప్రేమలేఖ’, ‘మాపల్లెలో గోపాలుడు’... ఇలా విజయవంతైమన సినిమాల్లో నటించాను. ఎక్కువగా కృష్ణగారికి చెల్లెలిగా చేశా. తమిళం, మలయాళం, కన్నడం, హిందీలో కూడా సినిమాలు చేసే అవకాశం దక్కింది. తొలి సినిమా ముద్ద మందారం ఎప్పటికీ ప్రత్యేకమే. ఆ యవ్వనం, సహజత్వం ఎప్పటికి తిరిగిరావు. ప్రేక్షకులు ‘ముద్దమందారం’ చిత్రాన్ని ఆదరించిన తీరు నాకు ఇప్పటికీ జ్ఞాపకముంది’’
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
Venky: 20 ఏళ్ల ‘వెంకీ’.. ఈ హిట్ మూవీ మిస్సైన హీరోయిన్ ఎవరంటే?
రవితేజ హీరోగా దర్శకుడు శ్రీను వైట్ల తెరకెక్కించిన ‘వెంకీ’ చిత్రం 20 ఏళ్లు పూర్తి చేసుకుంది. ఈసందర్భంగా ఆ సినిమా గురించి పలు ఆసక్తికర విశేషాలు.. -
Brindha Sivakumar: మణిరత్నం ‘హీరోయిన్ ఛాన్స్’ వదులుకున్న బృందా.. సూర్య సోదరి గురించి మీకు తెలుసా?
ప్రముఖ హీరోలు సూర్య, కార్తి సోదరి గురించి ఆసక్తికర విశేషాలివీ.. -
gautham Menon:ఆ కీలక పాత్రలకు వారిని అనుకున్నా: గౌతమ్మేనన్
సూర్య ప్రధాన పాత్రలో నటించిన ‘సూర్య సన్నాఫ్ కృష్ణన్’ చిత్రం గురించి ఆసక్తికర వ్యాఖ్యలు చేశారు. -
Prithviraj Sukumaran: రెండు ఆఫర్లు ఇచ్చిన చిరంజీవి.. తిరస్కరించిన పృథ్వీరాజ్ సుకుమారన్.. కారణమదే
చిరంజీవి ఇచ్చిన రెండు ఆఫర్లను ఓ సినిమా కారణంగా తిరస్కరించాల్సి వచ్చిందని మలయాళ నటుడు పృథ్వీరాజ్ సుకుమారన్ తెలిపారు. -
RRR Movie: ‘ఆర్ఆర్ఆర్’ ప్రీక్లైమాక్స్లో చేసిన మార్పు ఇదే.. జెన్నీ పాత్ర చనిపోతుందట!
ఎన్టీఆర్, రామ్చరణ్లు నటించిన ‘ఆర్ఆర్ఆర్’ గురించి ఆ చిత్ర దర్శకుడు రాజమౌళి ఆసక్తికర విషయాన్ని పంచుకున్నారు. -
Mohan Babu: మోహన్బాబు అలా ‘అల్లుడుగారు’ అయ్యారు.. అదరగొట్టారు
నేడు మోహన్బాబు పుట్టినరోజు. ఈ సందర్భంగా ‘అల్లుడుగారు’ సినిమా సంగతులు చూద్దాం.. -
Deepika Padukone: అలా మిస్సై.. ‘కల్కి 2898ఏడీ’తో సిద్ధమై: దీపికా టాలీవుడ్ ఎంట్రీ సంగతులివీ..
ప్రముఖ నటి దీపికా పదుకొణె టాలీవుడ్ ఎంట్రీ గురించి ఆసక్తికర విశేషాలివీ.. -
Daddy Movie: చిరంజీవి ‘డాడీ’ మూవీ వెంకటేశ్ చేస్తే సూపర్ హిట్ అయ్యేదట!
Daddy movie: ‘డాడీ’ మూవీ యావరేజ్గా ఆడటంపై చిరంజీవి ఓ సందర్భంలో ఆసక్తికర విషయాన్ని వెల్లడించారు. -
Prema: షూటింగ్లో నిజంగానే పాము కాటేసింది.. ఆ హిట్ సినిమాకు 25 ఏళ్లు..
నటి ప్రేమ (Prema) ప్రధానపాత్రలో నటించిన ‘దేవి’ (Devi) చిత్రం విడుదలై నేటికి 25ఏళ్లు పూర్తయింది. -
Sekhar Kammula: ఆ ఫీల్గుడ్ స్టోరీ.. పవన్ను దృష్టిలో పెట్టుకుని రాసిందే కానీ..!
ఓ హిట్ సినిమా స్టోరీని ప్రముఖ హీరో పవన్ కల్యాణ్ను దృష్టిలో పెట్టుకుని రాసుకున్నారు ఆ దర్శకుడు. ఆ ఆసక్తికర సంగతులివీ.. -
చిరు-నాగ్-వెంకటేశ్లతో మల్టీస్టారర్ తీయాలనుకున్నారు
ఒక టికెట్టుపై డబుల్ ధమాకా వినోదాల్ని పంచిచ్చేవి మల్టీస్టారర్ చిత్రాలు. అందుకే ఏ చిత్రసీమలోనైనా ఓ మల్టీస్టారర్ చిత్రం మొదలవుతుందంటే.. ప్రేక్షకుల చూపంతా అటువైపే మళ్లుతుంటుంది. -
Sharwanand: అందుకే శర్వానంద్ ఆ హిట్ మూవీకి ‘నో’ చెప్పారు.. సెకండ్ ఛాన్స్లోనూ!
హీరో శర్వానంద్ పుట్టిన రోజు నేడు. ఈ సందర్భంగా ఆయన గురించి ఆసక్తికర విషయం మీకోసం.. -
Mahesh Babu: మహేశ్ బాబును అనుకున్నారు.. తరుణ్తో తెరకెక్కించారు!
తరుణ్ నటించిన ఓ హిట్ చిత్రంలో.. ముందుగా మహేశ్ బాబును హీరోగా అనుకున్నారు నిర్మాత. కానీ, డైరెక్టర్ వద్దనుకున్నారు. అదే సినిమా అంటే? -
Soggadu Movie: రవిబాబు మూవీకి నో చెప్పిన ఉదయ్కిరణ్.. కోపంతో నిర్ణయం తీసుకోవడం వల్లే..!
Soggadu Movie: ‘సోగ్గాడు’కి క్యాస్ట్ ఫెయిల్యూర్ కారణంగా మూవీపై ఎలాంటి ప్రభావం పడిందో రవిబాబు ఓ సందర్భంలో చెప్పారు. -
ఈ హీరోలు ఇలా చెబితే డేట్స్ ఇస్తారట!
అసలు ఎవరికి ఏం చెబితే కాల్షీట్స్ ఇస్తారో స్టార్ డైరెక్టర్ పూరి జగన్నాథ్ ఓ సందర్భంలో ఇలా చెప్పారు. -
Samantha: రామలక్ష్మిపై అందరూ అనుమానం వ్యక్తంచేశారు!
Samantha: కథానాయికగా ఎంట్రీ ఇచ్చిన సమంత 14 సంవత్సరాలు పూర్తి చేసుకుంది. ఆమె ‘ఏమాయ చేసావె’తో సినీ ఇండస్ట్రీకి పరిచయమైన సంగతి తెలిసిందే. -
baahubali: ‘బాహుబలి’లో ఆ పాత్రను ఆయన ఎందుకు చేయలేదంటే?
‘బాహుబలి’ సినిమాలోని కట్టప్ప పాత్ర సంజయ్దత్ను ఊహించి రాసిందని విజయేంద్ర ప్రసాద్ అన్నారు. -
Mahesh babu: ‘మురారి’ శాపం వెనుక స్టోరీ ఇది.. క్లైమాక్స్లో ఆ పాట వద్దన్న కృష్ణ..!
మహేశ్బాబు కథానాయకుడిగా కృష్ణవంశీ దర్శకత్వంలో తెరకెక్కిన బ్లాక్ బస్టర్ చిత్రం ‘మురారి’. సోనాలి బింద్రే కథానాయిక. 2001 ఫిబ్రవరి 17న విడుదలైన ఈ సినిమా 23 ఏళ్లు పూర్తి చేసుకుంది. -
Jayamalini: జయమాలిని కోసం కత్తితో బెదిరింపు!
సినీ తారలను చూసేందుకు జనం విరగబడి రావడం, వారితో సెల్ఫీల కోసం పోటీ పడటం మనం చూస్తుంటాం. సరిగ్గా ఇలాంటి పరిస్థితే అలనాటి నృత్యతార జయమాలినికి (Jayamalini) ఎదురైందట. -
Temper: ఆర్. నారాయణమూర్తి ‘టెంపర్’లో నటించకపోవడానికి కారణమిదే
ఎన్టీఆర్ హీరోగా పూరీ జగన్నాథ్ తెరకెక్కించిన ‘టెంపర్’ తొమ్మిదేళ్లు పూర్తిచేసుకుంది. ఈ సందర్భంగా ఈ సినిమా గురించి ఆసక్తికర అంశం మీకోసం.. -
Oy: ‘ఓయ్’ టైటిల్ అర్థమిదే.. మీరు గమనించారా?
సిద్ధార్థ్, షామిలీ జంటగా నటించిన చిత్రం ‘ఓయ్!’. ఈ సినిమాకి ఆ పేరెందుకు పెట్టారో మీకు తెలుసా?
తాజా వార్తలు (Latest News)
-
ఫోన్ ట్యాపింగ్ కేసు.. పోలీసుల అదుపులో మరో ఇద్దరు
-
ఎంఎఫ్లో మదుపు చేస్తున్నారా? రీకేవైసీకి మార్చి 31 డెడ్లైన్!
-
వివేకా హత్యకేసు.. సీబీఐ కోర్టుకు ఎంపీ అవినాష్రెడ్డి
-
‘హార్దిక్ కెప్టెన్సీ దారుణం’.. సోషల్ మీడియా యూజర్ వ్యాఖ్యలకు భారత మాజీ క్రికెటర్ కౌంటర్
-
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
-
స్కిల్ డెవలప్మెంట్ కేసు.. అచ్చెన్నాయుడికి ఊరట