మరింత థ్రిల్లింగ్‌గా ఆ వెబ్‌ సిరీస్‌కు కొనసాగింపు!

ఇంటర్నెట్‌డెస్క్‌: బాలీవుడ్‌ నటుడు బాబీ దేఓల్‌ కీలక పాత్రలో నటించిన వెబ్‌ సిరీస్‌ ‘ఆశ్రమ్‌’. ఇటీవల విడుదలైన ఈ వెబ్‌ సిరీస్‌కు మంచి ఆదరణ దక్కింది. కాగా, త్వరలోనే దీనికి కొనసాగింపుగా ‘ఆశ్రమ్‌2’ కూడా రాబోతోంది. ప్రకాష్‌ ఝా దర్శకత్వంలో తెరకెక్కిన ఈ వెబ్‌సిరీస్‌ నవంబరు 11 నుంచి ఎంఎక్స్‌ ప్లేయర్‌ వేదికగా స్ట్రీమింగ్‌ కానుంది.ఈ నేపథ్యంలో మోషన్‌ పోస్టర్‌ను విడుదల చేశారు.

అన్ని రంగాలను శాసించే బాబా నిరాలా ఆఫ్‌ కాశీపూర్‌ పాత్రలో బాబీ దేఓల్‌ నటించారు. తొలిసారి ఆయన ఈ వెబ్‌సిరీస్‌లో నటిస్తుండటం విశేషం. దేవుడి ప్రతినిధిగా నిరాలా బాబాను భక్తులు ఏవిధంగా కొలిచేవారు. ఆయనను ఏవిధంగా అనుసరించేవారు. ఆ ఆశ్రమంలో జరిగిన అత్యాచారం, హత్యల వెనుక ఉన్నది ఎవరు? చివరకు బాబా ఏమయ్యారు? ఆయనలోకి క్రూరత్వం ఎలా బయటపడింది? తదితర విషయాలు తెలియాలంటే ‘ఆశ్రమ్2‌’ చూడాల్సిందే.